ترک صدر گزشتہ روز سے متحدہ عرب امارات میں دو روزہ دورے پر ہیں –
باغی ٹی وی :ترک صدررجب طیب ایردوآن 2013 کےبعد متحدہ عرب امارات کے اپنے پہلےدوروزہ دورے پر پیرکو ابوظبی پہنچے تھےابوظبی کے صدارتی محل قصرالوطن میں دونوں رہ نماؤں کے درمیان ملاقات ہوئی ہے اور انھوں نے دوطرفہ تعلقات اور علاقائی اور بین الاقوامی سطح پر ہونے والی پیش رفت کے بارے میں تبادلہ خیال کیا ہے۔
ترک صدر دو روزہ دورے پر متحدہ عرب امارات پہنچ گئے
"العربیہ نے ترکی کی سرکاری خبررساں ایجنسی اناطولو کے حوالے سے بتایا کہ ابوظبی کے ولی عہد شیخ محمد بن زاید آل نہیان اور صدر رجب طیب ایردوآن کی ملاقات کے موقع پر دفاع اور تجارت سمیت مختلف شعبوں میں دوطرفہ تعاون کے فروغ سے متعلق 13سمجھوتوں اور معاہدوں پر دستخط کیے ہیں۔
دونوں ملکوں کے حکام نے دفاع، صحت، ماحولیاتی تبدیلی، صنعت، ٹیکنالوجی، ثقافت، زراعت، تجارت، معیشت، امورنوجواناں، نقل وحمل، آفات کا انتظام، موسمیات، مواصلات اورآرکائیو کے شعبوں میں دوطرفہ تعاون اور روابط کے فروغ کے لیے مفاہمت کی یادداشتوں اور سمجھوتوں پر دست خط کیے ہیں۔
مسلمانوں کےحلیے میں انتہاپسند یہودیوں کامسجد اقصیٰ میں داخل ہونے کا انکشاف
دونوں رہ نماؤں نے اس بات پر زوردیا کہ ترکی اور یو اے ای خطے میں سلامتی اور استحکام کو مضبوط بنانے اور درپیش بحرانوں کے پُرامن حل کی کوششوں کی حمایت کے حوالے سے ایک جیسا وژن رکھتے ہیں۔
ابوظبی کے ولی عہد نے کہا کہ تین ماہ قبل ان کے ترکی کے دورے کے موقع پردونوں ممالک کے درمیان طے پانے والے معاہدوں اور مفاہمت کی یادداشتوں نے دوطرفہ اقتصادی اور تجارتی شراکت داری کو بحال کرنے اور فروغ دینے کی اساس فراہم کی تھی متحدہ عرب امارات مذاکرات، مشاورت اور سفارتی حل کے ذریعے خطے کو درپیش چیلنجوں کا مقابلہ کرنے کے لیے ترکی کے ساتھ تعاون کو بڑھانے کا خواہاں ہے۔
