لاہورُ:محکمہ سپیشلائزڈ ہیلتھ کئیر اینڈ میڈیکل ایجوکیشن نے وائس چانسلر یو ایچ ایس ڈاکٹر جاوید اکرام سے وضاحت طلب کر لی اطلاعات کے مطابق ڈاکٹر جاوید اکرم سے آسٹریلین ویکسین کے کورونا کے مریضوں پر ٹیسٹ کے حوالے سے منسوب بیان پر وضاحت طلب کرلی ہے
محکمہ سپیشلائزڈ ہیلتھ کئیر اینڈ میڈیکل ایجوکیشن کا کہنا ہے کہ ایسا رویہ حکومت، محکمے یا ماہرین کی ٹیم کی وضع کردہ پبلک پالیسی سے متصادم ہے، اس حوالے سے شوکاز نوٹس جاری کرتےہوئے کہا کہ متعلقہ حکام سے اجازت کے بغیر ایسے ٹرائل کا اعلان حکومت کیلئے شرمندگی کا باعث بنا
محکمہ سپیشلائزڈ ہیلتھ کئیر اینڈ میڈیکل ایجوکیشن کا کہنا ہے آپ کا اعلان عوامی توقعات اور عمومی تشویش کا باعث بنا، ایسا رویہ بطور وائس چانسلر یو ایچ ایس آپ کے عہدے کے برخلاف ہے، کیا وفاقی اور صوبائی حکومت نے ان کلینیکل ٹرائلز کی منظوری دی، جنکا آپ نے اعلان کیا،
محکمہ سپیشلائزڈ ہیلتھ کئیر اینڈ میڈیکل ایجوکیشن کا کہنا ہے کہ بطور وائس چانسلر یو ایچ ایس میڈیا پر ایسے اعلان سے آپ کے کیا مقاصد تھے، کیا آپکے کوئی کارپوریٹ مفاد ہیں،کوئی نجی فرم یا فارما سیوٹیکل کمپنی ہے کیا آپ کی کسی نجی کپمنی یا فرم نے ٹرائل کے حوالے سے فارن پارٹنرز سے اشتراک کیا ہے،
محکمہ سپیشلائزڈ ہیلتھ کئیر اینڈ میڈیکل ایجوکیشن کا کہنا ہے کہ کسی غیر ملکی کمپنی سے کسی معاہدے میں جانے سے قبل حکام سے باضابطہ اجازت لی گئی، ڈاکٹر جاوید اکرم کو 11 اگست تک ان سوالات کا تحریری جواب جمع کرانے کی ہدایت اس دوران ڈاکٹر جاوید کو میڈیا پر کسی بھی قسم کا بیان دینے سے روک دیا گیا