برطانوی سفیر نے ڈونلڈ ٹرمپ کے راز فاش کردیئے

واشنگٹن:امریکہ میں برطانوی سفیر کے استعفے کے بعد دونوں ملکوں کے درمیاں سفارتی فضا اور خراب ہوگئی ہے اور امریکہ میں‌تعینات سابق سفیر نے امریکی صدر ڈونلڈ ٹرمپ کے راز فاش کرنے شروع کردئیے ہیں. اطلاعات کے مطابق مریکا میں برطانیہ کے سابق سفیر کم ڈاروچ نے امریکی صدر ڈونلڈ ٹرمپ کے خلاف نیا پنڈورا باکس کھول دیا۔

سابق برطانوی سفیر نے اپنی حکومت کو خفیہ پیغام کے ذریعے سے کہا کہ ڈونلڈ ٹرمپ نے سابق صدر بارک اوباما سے حسد میں ایران نیوکلیئر ڈیل ختم کی،جان بولٹن کے انتظامیہ کا حصہ بننے کے بعد یہ ہوناہی تھا،امریکامیں برطانیہ کے سابق سفیر سر کم ڈاروچ کا اپنی حکومت کے نام سن 2018 میں بھیجا گیا۔ان اکشافات کے بعد امریکی صدر ڈونلڈ ٹرمپ مزید مشکلات کا شکار ہوگئے ہیں.

ڈاؤننگ اسٹریٹ بھیجے گئے پیغام میں برطانوی سفیر سر کم ڈاروچ نے لکھا کہ صدر ٹرمپ نے ایران ڈیل کے معاملے پر خود ان کے مشیروں کی رائے میں بھی اختلاف تھا،ٹرمپ انتظامیہ کے پاس ایران پر نئی پابندیوں کے سوا کوئی پلان ’بی‘ بھی نہیں۔یاد رہے کہ امریکی صدر نے برطانوی سفیر کی توہین کرتے ہوئے بہت ہی غلط زبان استعمال کی تھی جس سے دونوں ملک کے درمیان سفارتی بیان بازی میں کچھ جارحیت پائی جارہی ہے.