برطانوی ویزہ کیلئے نو پاکستانی بینکوں کی دستاویزات ناقابل قبول ہونے کا خط جعلی قرار
![uk visa](https://baaghitv.com/wp-content/uploads/2024/06/uk-visa-905x500.webp)
متحدہ عرب امارات کے بعد برطانیہ کے ویزہ کے حوالہ سے سوشل میڈیا پرپروپیگنڈہ کیا جانے لگا جس پر برطانوی ہائی کمیشن نے سماجی رابطے کی ویب سائٹ ایکس پر وضاحت جاری کی ہے
سوشل میڈیا پر ایک لیٹر وائرل ہوا تھا جس میں کہا گیا تھا کہ برطانیہ کے ویزا اور امیگریشن حکام نے ویزا درخواست کے لئے نو پاکستانی بینکوں کی مالی دستاویزات کو مسترد کر دیا ہے،لیٹر 28 مئی کو جاری کیا گیا تھا،جس میں کہا گیا تھا کہ اس اعلامیہ کے ذریعے تمام متعلقہ فریقوں کو اطلاع دی جاتی ہے کہ پاکستان کے درج ذیل بینکوں کو یوکے ویزا اینڈ امیگریشن سے برطانیہ کے لیے ویزا کی منظوری کے لیے مسترد کر دیا گیا ہے۔ فوری طور پر، ان بینکوں کی طرف سے جاری کردہ کسی بھی مالیاتی دستاویزات کو ویزا درخواست کے ساتھ قبول نہیں کیا جائے گا،جن بینکوں کا نام لیٹر میں شامل تھا ان میں الائیڈ بینک لمیٹڈ ، عسکری بینک لمیٹڈ ،بینک الفلاح، بینک اسلامی پاکستان لمیٹڈ، فضل بینک لمیٹڈ ، حبیب بینک لمیٹڈ، 7. JS بینک لمیٹڈ ، ایم سی بی، یونائیٹڈ بینک لمیٹڈ شامل تھے،لیٹر میں مزید کہا گیا تھا کہ ہم تمام طلباء کو مشورہ دیتے ہیں کہ وہ اس بات کو یقینی بنائیں کہ ان کی مالیاتی دستاویزات منظور شدہ اور تسلیم شدہ بینکوں کے ذریعہ جاری کی جائیں۔
سوشل میڈیا پر لیٹر وائرل ہوا تو برطانوی ہائی کمیشن نے اس لیٹر کو فیک کہا اور تردید کرتے ہوئے کہا کہ ایسا کوئی فیصلہ نہیں کیا گیا جو لیٹر میںلکھا ہوا ہے، ایکس پر پوسٹ کرتے ہوئے برطانوی ہائی کمیشن کا کہنا تھا کہ”م شیئر کی گئی جعلی دستاویز سے باخبر ہیں جو بظاہر یوکے ویزا و امیگریشن کی جانب سے ہے کہ کچھ بینکس اور انگریزی زبان کے ٹیسٹ یوکے ویزا درخواست کے لیے ممنوع قرار دیئے گئے ہیں، یہ درست نہیں۔ اگر آپ کو یہ موصول ہو، تو اسے ڈیلیٹ کریں مزید شیئر نہ کریں اور اس شخص کو آگاہ کریں یہ جعلی ہے”.
We are aware of a fake document being shared, pretending to be from UK Visas and Immigration, claiming certain banks and English Language Tests are banned from UK student visa applications. If you receive it, please delete it, don't share it, and let the person know it is a fake. pic.twitter.com/kWMOboxLxa
— UK in Pakistan 🇬🇧🇵🇰 (@ukinpakistan) June 13, 2024
واضح رہے کہ برطانیہ کے لیے پاکستان سے ویزوں کی پروسیسنگ کے حوالے سے حالیہ دنوں میں کسی قسم کی کوئی تبدیلی نہیں کی گئی ہے۔
پاکستانیوں کیلے یو اے ای کا ویزا بند نہیں کیا گیا،قونصل جنرل
ساحر علی بگا کو بھی دبئی کا دس سالہ گولڈن ویزا مل گیا
صبا قمر کو بھی متحدہ عرب امارات(یو اے ای)کا گولڈن ویزا مل گیا
عمران اشرف کو متحدہ عرب امارات (یو اے ای) کا گولڈن ویزا جاری