14 مارچ کو بحیرہ اسود پر پرواز کے دوران روسی جنگی طیارہ ٹکرانے سے امریکی ڈرون مکمل طور پر تباہ ہو گیا تھا۔
باغی ٹی وی: تاہم اب اس حوالے سے روسی وزارت دفاع کی جانب سے جاری بیان میں کہا گیا کہ روس کے وزیر دفاع سرگئی شوئیگوف نے امریکی ہم منصب لائیڈ آسٹن سے ٹیلیفونک رابطہ کیا،یہ اکتوبر 2022 کے بعد روس اور امریکا کے وزرائے دفاع کے درمیان پہلا رابطہ تھا۔
چینی کمپنی پاکستان میں دو ارب ڈالرز کی سرمایہ کاری کرے گی
رابطے میں کہا کہ یوکرین کے قریب امریکی ڈرونز کی جاسوس سرگرمیوں میں اضافہ تنازع کا باعث بنیں گی اورروس کی جانب سےاس طرح کے انٹیلی جنس آپریشنز پر مناسب ردعمل ظاہر کیا جائے گا۔
بیان کے مطابق روسی وزیر دفاع نے کہا کہ کریمیا کے ساحلی علاقوں کے قریب امریکی جنگی ڈرونز کی پروازیں اشتعال انگیز ہیں جس سے بحیرہ اسود کے خطے میں صورتحال بگڑ سکتی ہے-
سرگئی شوئیگوف نے کہا کہ روس کا حالات خراب کرنے میں کوئی مفاد نہیں مگر ہر قسم کی اشتعال انگیزی کا مناسب جواب دیا جائے گا، روسی مفادات کے خلاف انٹیلی جنس سرگرمیوں میں اضافہ ہوا ہے اورماسکو کی جانب سےجن فضائی علاقوں میں پروازوں پر پابندی لگائی گئی ہے، اس کی خلاف ورزی کی جارہی ہے۔
ترکی کے زلزلہ زدہ علاقے میں شدید سیلاب کے باعث متعدد افراد ہلاک
دوسری جانب امریکی وزیر دفاع نے پریس بریفننگ کے دوران بتایا کہ ہم ہر قسم کے ٹکراؤ کو بہت سنجیدہ لیں گے اور یہی وجہ ہے کہ اس طرح کے رابطے بہت اہم ہیں اس طرح کے رابطوں سے کسی قسم کی غلط فہمی کی روک تھام میں مدد ملے گی-
واضح رہے کہ امریکی ڈرون کی تباہی فروری 2022 میں یوکرین پر روس کے حملے کے بعد ماسکو اور واشنگٹن کے درمیان پیش آنے والا پہلا فوجی واقعہ ہےامریکی ڈرون کا ملبہ کریمیا کے قریب گرا تھا اور امریکا کی جانب سے اس کے حصول کی کوششیں کی جا رہی ہیں۔
