امید ہے آج پیٹرولیم مصنوعات کی قیمتیں کم ہوجائیں گی. سابق وزیر اعظم شاہد خاقان عباسی

سابق وزیراعظم اور مسلم لیگ ن کے رہنماء شاہد خاقان عباسی کا کہنا ہے کہ حکومت جتنا ریلیف عوام کو دے سکتی ہے دے رہی ہے.

سابق وزیر اعظم شاہد خاقان عباسی نے کہا کہ تیل میں کوئی سیلز ٹیکس شامل نہیں ہے، اور اب ہر 15روز بعد تیل کی قیمت کا تعین کیا جاتا ہے جبکہ پہلے 30دن بعد تیل کی قیمت کا تعین کیا جاتا تھا. اور نیپرا اور اوگرا آزاد ادارے ہیں اس لیئے بجلی کے معاملات نیپرا کا ادارہ دیکھتا ہے حکومت نہیں دیکھتی ہے.
لیگی رہنماء نے مزید کہا کہ: اوگرا عالمی منڈی کی قیمتیں اور دیگر عنصر کو شامل کرکے قیمتوں کا تعین کرتی ہے، اور تیل کی قیمتیں حکومت نہیں اوگرا طے کرتی ہے اور ہاں چار سال کی غفلت 4 ماہ میں ٹھیک نہیں ہوسکتی ہے، حالانکہ ہم کہتے ہیں کہ انصاف کے نظام کو چلنا چاہیے اور جواب حکومتیں نہیں لیتیں، بلکہ عدالتیں لیتی ہیں.

شاہد خاقان عباسی نےمزید کہا کہ یہ معاملات ایسے نہیں چلتے ،ایک دن ان کو حساب دینا ہوگا اور احتساب کرنے والوں کو خود سب کے سامنے حساب دینا ہوتا ہے اور ہاںں سابق چیئرمین نیب عوام کو حقائق بتائیں تاکہ سچ کا سچ اور جھوٹا جھوٹا واضح ہو. دوسری جانب بین الاقوامی مارکیٹ میں خام تیل کی قیمتوں میں کمی دیکھنے میں آئی ہے، خام تیل کی قیمتیں 8 ماہ کی کم ترین سطح پر پہنچ چکی ہیں۔ خیال رہے کہ برینٹ خام تیل 4 ڈالر 31 سینٹ کمی کے ساتھ 86.15 ڈالر فی بیرل پر پہنچ گیا، ڈبلیو ٹی آئی خام تیل کی قیمت 4 ڈالر 75 سینٹ کمی کے بعد 78.74 ڈالر پر آگئی تھیں۔
یہ بھی پڑھیں؛ لاپتہ شہری منیب اکرم کی بازیابی کیلئے درخواست ،آئی جی اسلام آباد طلب
ڈاکٹر معید پیر زادہ کو ایف بی آر کا نوٹس، عدالت نے کاروائی سے روک دیا
محبت میں ناکامی، نوجوان کا دولہے کو قتل کرنے کا منصوبہ
یاد رہے کہ 29 اگست سے اب تک امریکی ڈبلیو ٹی آئی کی قیمت میں تقریباً 14 ڈالر تک کمی ہوچکی ، عالمی منڈی میں پٹرولیم مصنوعات کی قیمتوں میں کمی دیکھنے میں آئی تھی جبکہ پاکستان میں پیٹرول دن بدن مہنگا ہوتا جا رہا تھا اس سے قبل گزشتہ ماہ دنیا میں سب سے زیادہ تیل برآمد کرنے والے ممالک نے رواں ماہ ستمبر میں اپنی پیداوار میں قدرے اضافہ کرنے پر اتفاق کیا تھا تاکہ بڑھتی ہوئی قیمتوں کو کم کرنے میں مدد مل سکے۔