اقوامِ متحدہ کے قیام کو 79 سال مکمل لیکن کشمیر کے معاملے پر مکمل خاموشی

اقوامِ متحدہ کے قیام کو 79 سال مکمل لیکن کشمیر کے معاملے پر اقوامِ متحدہ کی مکمل خاموشی دکھائی دی ہے

24 اکتوبر 1945 کو اقوامِ متحدہ، سیکیورٹی کونسل اور اقوامِ متحدہ چارٹر وجود میں آئے،اقوام متحدہ اب تک مسئلہ کشمیر پر متعدد قراردادیں منظور کر چکی ہیں،اپریل 1948 کو اقوامِ متحدہ کی قرارداد 47 کے مطابق کشمیر کی آزادی اور حق خود ارادیت کو یقینی بنایا جاۓ،نومبر 1951 کو اقوامِ متحدہ کی قرارداد 96 کے مطابق کشمیر میں آزاد اور غیر جانبدار انتخابات کروانے کی قرارداد بھی منظور ہوئی.اقوام متحدہ کی قراردادوں کے باوجود ہندوستان کشمیریوں کو حق خودارادیت نہیں دے سکا.اقوامِ متحدہ کی قراردادوں کی کھلی خلاف ورزی کرتے ہوئے کشمیر کو 1948 میں ناجائز طور پر ضم کیا گیا.آرٹیکل 370 کی تنسیخ اقوام متحدہ کی قرارداد 47 کی کھلی خلاف ورزی ہے.مقبوضہ کشمیر میں اب تک ڈھائی لاکھ سے زائد کشمیری شہید، 7 ہزار سے زائد ماورائے عدالت قتل جبکہ ایک لاکھ ستر ہزار سے زائد گرفتاریاں ہو چکی ہیں .مقبوضہ کشمیر میں سوا لاکھ املاک نذرِ آتش جبکہ 12 ہزار خواتین کے ساتھ زیادتی کی جا چکی ہے.2019 کے بعد سے اب تک مقبوضہ کشمیر میں سب سے طویل مدتی انٹرنیٹ کی بندش جاری ہے. ہندوستان کے غاصبانہ قبضے کے خلاف اقوام متحدہ کو ٹھوس اقدامات کرنے کی ضرورت ہے

پاکستان اقوام متحدہ کے چارٹر اور کثیر الفریقی نظام کے لیے اپنی مکمل حمایت کا اعادہ کرتا ہے،صدر مملکت
اقوام متحدہ کے دن کے موقع پر صدر آصف علی زرداری نے اپنے پیغام میں کہا کہ پاکستان عالمی برادری کے ساتھ اقوام متحدہ کا 79 واں دن منا رہا ہے۔ یہ اقوام کے درمیان دوستانہ تعلقات کے فروغ، مساوی حقوق اور عالمی امن کیلئے مناسب اقدامات کا احاطہ کرتا ہے۔ پاکستان اقوام متحدہ کے چارٹر اور کثیر الفریقی نظام کے لیے اپنی مکمل حمایت کا اعادہ کرتا ہے۔ پاکستان پرامن اور خوشحال دنیا کے حصول کے لیے اقوام متحدہ کے رکن ممالک کے ساتھ تعاون کے لیے تیار ہے۔

اقوام متحدہ کی حق خود ارادیت کی قراردادوں کے باوجود کشمیر اور فلسطین جیسے تنازعات اب بھی حل پذیر ہیں ،وزیراعظم
اقوام متحدہ کے دن کے موقع پر وزیراعظم محمد شہباز شریف کا کہنا ہے کہ آج اقوام متحدہ کی 79 ویں سالگرہ کا دن ہمیں اقوام متحدہ چارٹر کے اصولوں اور مقاصد کے حصول کے عزم کے اعادہ کرنے کا موقع فراہم کرتا ہے،بین الاقوامی تنازعات جیسا کہ موسمیاتی تبدیلی، جغرافیائی، سیاسی تناؤ میں اضافہ اور گلوبل ساؤتھ کی گہری ہوتی اقتصادی مشکلات عالمی نظام کے بڑے چیلنجوں کی نشاندہی کرتے ہیں،اقوام متحدہ چارٹر کا منصفانہ طریقے سے نفاذ بھی ایک بڑا چیلنج ہے ،اقوام متحدہ کی حق خود ارادیت کی قراردادوں کے باوجود جموں و کشمیر اور فلسطین جیسے تنازعات اب بھی حل پذیر ہیں ،جب تک اقوام متحدہ کی بانی دستاویز کی دفعات کو نظر انداز کیا جائے گا، بحران مزید گہرے ہوتے جائیں گے ،اقوام متحدہ کے اس دن پر، میں کثیرالجہتی کے لیے پاکستان کے عزم کا اعادہ کرتا ہوں،ہم اس دنیا کو سب کے لیے ایک بہتر جگہ بنانے کے لیے اقوام متحدہ کے ساتھ مل کر کام کرتے رہیں گے جہاں تمام لوگوں کے حقوق بالخصوص جائز اور ناقابل تنسیخ حقوق کے لیے جدوجہد کرنے والوں کو ان کے حقوق دلائے جا سکیں

وزیراعلیٰ پنجاب مریم نواز کا کہنا ہے کہ اقوامِ متحدہ امن، انسانی حقوق، اور ترقی کے لئے امید کی کرن ہے،پاکستان کی یو این کے بنیادی مقاصد سے گہری وابستگی ہے،ذمہ دار اور سرگرم رکن کی حیثیت سے قراردادوں کی پاسداری کی جا رہی ہے، پاکستان عالمی امن اور ترقی میں اپنا کردار ادا کرتا رہے گا ،فلسطین اور کشمیر کے مسلمانوں کو حق دلانے میں اپیل کرتے رہیں گے

اکرم چوہدری کا نجی ٹی وی کے نام پر دورہ یوکے،ذاتی فائدے،ادارے کو نقصان

سماٹی وی میں گروپ بندی،سما کے نام پر اکرم چوہدری اپنا بزنس چلانے لگے

سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں

نازیبا ویڈیو لیک ہونے کے بعد مناہل ملک کی عمران خان سے ملاقات کی تصویر وائرل

مناہل ملک سے قبل کس کس پاکستانی کی ہوئی "نازیبا ویڈیو”لیک

ٹک ٹاکر مناہل ملک کی انتہائی نازیبا،جسمانی تعلق،بوس و کنارکی ویڈیو وائرل