فلسطین میں قطر کے سفیر اور غزہ کی پٹی کی تعمیر نو کمیٹی کے سربراہ محمد العمادی اور مشرق وسطیٰ کے لیے اقوام متحدہ کے خصوصی ایلچی نیکولائی میلاڈینوف کے درمیان ملاقات میں غزہ کی پٹی کے امور پرتبادلہ خیال کیا گیا،

سعودی عرب میں سرمایہ کاری سے متعلق ورلڈ بینک نے کیا دی رائے؟ اہم خبر

مقبوضہ بیت المقدس ۔ 30 اکتوبر (اے پی پی) فلسطین میں قطر کے سفیر اور غزہ کی پٹی کی تعمیر نو کمیٹی کے سربراہ محمد العمادی اور مشرق وسطیٰ کے لیے اقوام متحدہ کے خصوصی ایلچی نیکولائی میلاڈینوف کے درمیان ملاقات میں غزہ کی پٹی کے امور پرتبادلہ خیال کیا گیا، مرکزاطلاعات فلسطین کے مطابق قطری سفیر اور اقوام متحدہ کے ایلچی کے درمیان ملاقات بیت المقدس میں اقوام متحدہ کے دفتر میں ہوئی۔اس موقع پر قطری سفیر نے فلسطینی قوم کے لیے قطر کی طرف سے منظور کردہ 40 کروڑ 80 لاکھ ڈالر کی امداد جس میں 10 کروڑ 80 لاکھ لاکھ ڈالر کی رقم غزہ کے عوام کے لیے مختص کی گئی کا تذکرہ کیا۔ اْنہوں نے امیر قطر الشیخ تمیم بن حمد آل ثانی کی طرف سے فلسطینی عوام کے لیے امداد جاری رکھنے کے عزم کا اعادہ کیا،

دونوں رہنمائوں نے غزہ کی پٹی کی موجودہ صورت حال، غزہ کے عوام کی معاشی امداد، امدادی اور ترقیاتی منصوبوں پر جاری کام کی رفتار، غزہ میں بجلی کے بحران، بے روزگاری، لیبر کے مسئلے اور کاروباری طبقے کی مشکلات پر تبادلہ خیال کیا ۔اس موقع پراقوام کے مندوب نے کہا کہ عالمی ادارہ غزہ کی پٹی کے عوام کو درپیش مشکلات کے حل اور غزہ کی ناکہ بندی کے خاتمے کی کوششوں کے ساتھ فلسطینی عوام کی مالی امداد کے لیے کوششیں جاری رکھے گا۔