گورنر پنجاب محمد بلیغ الرحمان سے 3 یونیورسٹیوں کے وائس چانسلرز نے ملاقات کی ہے .
ملاقات کرنے والے وائس چانسلرز میں کنگ ایڈورڈ میڈیکل یونیورسٹی کے وائس چانسلر خالد مسعود گوندل، وائس چانسلر پنجاب یونیورسٹی ڈاکٹر نیاز احمد اختر، وائس چانسلر نیشنل سکلز یونیورسٹی اسلام آباد پروفیسر ڈاکٹر مختار شامل تھے،کنگ ایڈورڈ میڈیکل یونیورسٹی کی پروفیسر بلقیس شبیر اور پروفیسر سائرہ افضل بھی اس موقع پر موجود تھیں۔
وائس چانسلرز نے گورنر پنجاب کو عہدہ سنبھالنے پر مبارکباد دی اور نیک خواہشات کا اظہار کیا۔اس موقع پر گورنر پنجاب کا کہنا تھا کہ کورونا وبا ء کے دوران کنگ ایڈورڈ میڈیکل یونیورسٹی کے ٹیلی میڈیسن سینٹرز سے ہزاروں لوگ مستفید ہوئے۔ یونیورسٹیاں ریسرچ کے شعبے میں بالخصوص ماحولیاتی تبدیلی کے حوالے سے تحقیق پہ خصوصی توجہ دیں.
ہ دیں۔
گورنر پنجاب نے وائس چانسلرز سے ماحولیاتی تبدیلیوں اور گلوبل وارمنگ پرجامعات میں کی گئی تحقیق کی روشنی میں اس مسلے کے حوالے سے تجاویز طلب کر لیں۔گورنے پنجاب نے کہا کہ مسلم لیگ ن نے ہمیشہ ہائر ایجوکیشن اور ریسرچ پر توجہ دی۔ مسلم لیگ ن کے سابق دور میں ہائر ایجوکیشن کمیشن کے بجٹ میں غیر معمولی اضافہ کیا گیا۔
گورنرپنجاب کامزئد کہنا تھا کہ تعلیمی اداروں میں اساتذہ طلبہ کی اخلاقی تربیت اور کردار سازی پر بھی توجہ دیں۔ اس موقع پر گفتگو کرتے ہوئے کنگ ایڈورڈ میڈیکل یونیورسٹی کے وائس چانسلر خالد مسعود گوندل نے کہا کہ کورونا وباء کے دوران کنگ ایڈورڈ میں100 سے زیادہ ریسرچ پیپرز لکھے گئے۔ ورلڈ ہیلتھ آرگنائزیشن کے مطابق پاکستان ان 5 ممالک میں ہے جنہوں نے کورونا کے خلاف مؤثر حکمت عملی اپنائی۔
وائس چانسلر پنجاب یونیورسٹی ڈاکٹر نیاز احمد اخترنے کہا کہ پنجاب یونیورسٹی کی کیو ایس ورلڈ رینکنگ میں بتدریج بہتری ا رہی ہے۔وائس چانسلر نیشنل سکلز یونیورسٹی اسلام آباد پروفیسر ڈاکٹر مختار کا کہنا تھا کہ نیشنل سکلز یونیورسٹی میں طلبہ کو ٹیکنیکل کورسز کرائے جا رہے ہیں۔ ٹیکنیکل تعلیم کی وجہ سے یونیورسٹی سے فارغ التحصیل طلبہ کو ملازمت کے لیے کھپت کے وسیع مواقع موجود ہیں۔
