عرفی جاوید نے خودکشی کرنے کی کوشش کیوں کی؟‌

بالی وڈ اداکارہ عرفی جاوید جو کہ سوشل میڈیا پر سب سے زیادہ ٹرول ہوتی ہیں، انہوں نے حال ہی میں اپنے کیرئیر کے سفر کے حوالے سے بات کرتے ہوئے کہا ہے کہ میں لکھنئو میں رہتی تھی ، میں دیکھتی تھی کہ مجھے میرے لباس کی وجہ سے تنگ کیا جاتا ہے ، مجھے زہنی اور جسمانی اذیت دی جا رہی ہے ، میں نے تنگ آکر خودکشی کرنے کی کوشش کی لیکن پھر میں نے اپنی زندگی کو دوسرا چانس دینے کی کوشش کی . 17 سال کی عمر میں ، میں نے لکھنئو چھوڑ دیا اور دہلی چلی گئی ، وہاں جا کر میں نے خود کو گروم کرنے کی کوشش کی ، میں نے خود سپورٹ کرنے کے لئے ٹیوشنز پڑھانا شروع کیں، کال سنٹر میں جاب کی . اس کے بعد میں نے ممبئی جا کر اپنے

خوابوں کو پورا کرنے کا ارادہ باندھا میں ، دہلی سے ممبئی جب گئی تو اس وقت میرے پاس نہ رہنے کو گھر تھا نہ کرایہ دینے کو پیسے تھے ، دوستوں کے گھروں میں‌رہتی تھی ، میں نے کئی آڈیشنز اور انٹرویوز دئیے لیکن مجھے ہر بار رد کر دیا گیا ، مجھے بگ باس ملا لیکن پہلے ہی ہفتے میں نکل گئی سو اتنا بڑا موقع ملنے کا مجھے فائدہ نہ ہو سکا. عرفی نے کہا کہ میں آج تک سوشل میڈیا پر ٹرول ہوتی ہوں جس کے لئے مجھے کبھی کبھی برا لگتا ہے.