امریکہ میں پھانسی کا قانون پھر سے لاگو، جب تک مجرموں کو پھانسی نہیں‌ہوگی امن نہیں آئے گا ،اٹارنی جنرل

واشنگٹن : امریکہ میں جرائم پر قابو پانے کے لیے پھر سے پھانسی کا قانون لاگوکرنے کا امریکی حکومت کا فیصلہ ، امریکی حکومت نے 1988 سے اب تک صرف 3 مجرموں کو پھانسی دی، یہ پھانسیاں 2003 میں دی گئیں.

امریکی اٹارنی جنرل ولیم بار نے فیڈرل بیور آف پرائزنز کو ہدایت کی ہے کہ وہ ان 5 افراد کو پھانسی دینے کے انتظامات کریں جن کو پھانسی کی سزا دی جاچکی ہے. اٹارنی جنرل کا کہنا ہے کہ پھانسی کو دوبارہ سے اس لیے لاگو کیا جارہا ہے تاکہ مجرموں سے جن خاندانوں کو صدمات پہنچے ہیں ان کی داد رسی ہوسکے .

اٹارنی جنرل نے مزید کہا کہ امریکہ میں جرائم کی شرح بڑھ رہی ہے اور اس سزا کو لاگوکرنے کے سوا اب کوئی چارہ کار نہیں رہا . مجرموں کو سزائیں ملیں گی تو امن بحال ہوسکے گا

دوسری طرف صدارتی امیدوار برنی سنیڈرز نے حکومت کے اس اعلان پر ردعمل دیتےہوئے کہا کہ اگر ڈونلڈ ٹرمپ نے پھانسی کی سزاکو بحال کیا تووہ اقتدار میں آکر اسے ختم کر دیں‌گے