![ushna shah](https://baaghitv.com/wp-content/uploads/2023/10/ushna-shah.jpg)
معروف اداکارہ اشنا شاہ نے اپنے حالیہ انٹرویو میںکہا ہے کہ میں ایک طلاق یافتہ عورت کا کردار ادا کرنا چاہتی ہوں انہوں نے کہا کہ میں نے بہت سارے ایسے ڈراموں میں کام کیا ہے جس میںطلاق کو منفی دکھایا گیا یا ، میں چونکہ سکرپٹ کو تبدیل نہیںکر سکتی تھی اس لئے مجھے وہ کردار کرنے پڑے. اشنا شاہ نے اپنے ایک ٹویٹ کے زریعے کہا کہ مجھے موقع چاہیے طلاق یافتہ عورت کا کردار کرنے کا اور ایسی طلاق یافتہ عورت جو مضبوط اعصاب کی مالک ہو جو اپنے پائوں پر کھڑی ہو کر اپنے اور اپنے بچوں کی زندگی کو سہل بنائے.
انہوں نے کہاکہ ”میں اس تصور کو غلط ثابت کرنا چاہتی ہوں کہ طلاق کے بعد عورت کی زندگی اجیرن ہو جاتی ہے ٹھیک ہے عورت کو چیلنجز کا سامنا ہوتا ہے لیکن میں یہ ثابت کرنا چاہتی ہوں کہ طلاق کے بعد بھی ایک اچھی زندگی بسر کی جا سکتی ہے”. انہوں نے کہا میرے والدین میں طلاق ہو گئی تھی میری ماں نے مجھے تین تین نوکریاں کرکے پالا پڑھایا لکھایا. بلکہ میں تو ایسی مائوں کو سیلوٹ پیش کرتی ہوں جو بغیر سہارے کے بچے پالتی ہیں. اشنا شاہ نے کہا کہ طلاق کے بعد زندگی ختم نہیں ہوجاتی بری زندگی جینے سے بہت بہتر ہے طلاق لے لینا .