وزیر اعلیٰ پنجاب سردار عثمان بزدار نے ماضی کی مشہور اداکارہ ثمینہ بٹ سوشل میڈیا پر بتائی گئی غربت کی کہانی پر فوراً ایکشن لیتے ہوئے اداکارہ کو ایک لاکھ کی مالی امداد دی اور ماہانہ وظیفہ بھی باندھ دیا ہے۔
باغی ٹی وی : 700 سے زائد ٹی وی ڈراموں اور تھیٹر میں اپنی اداکاری کے جوہر دکھانے والی ماضی کی مشہور اداکارہ ثمینہ بٹ نے اپنی غربت کی کہانی سوشل میڈیا پر بتائی تو وزیر اعلیٰ کی جانب سے فوری ایکشن لیا گیا۔
ثمینہ بٹ کو وزیر اعلیٰ پنجاب کی جانب سے 1 لاکھ روپے کی مالی امداد کا چیک ستمبر میں دیا جا چکا ہے اور ان کو ماہانہ کی بنیاد پر بزدار حکومت کی جانب سے 5 ہزار روپے وظیفہ بھی ادا کیا جارہا ہے۔
وزیر اعلیٰ عثمان بزدار کی حکومت نے فنکاروں کی معاشی بدحالی کا نوٹس لیتے ہوئے ایک پروگرام کا آغاز کیا ہے جس کے تحت کم آمدن یا دیگر غربت کا شکار فنکاروں کوآرٹسٹ خدمت کارڈ کے تحت ماہانہ کی بنیاد پر وظیفہ دیا جاتا ہے-
اس تمام عمل کو شفاف بنانے کے لیے بائیومیٹرک سسٹم کے ذریعے مستحق فنکاروں میں فنڈز کی تقسیم کی جاتی ہے۔
