امریکہ میں بھی تبدیلی آ گئی، الیکشن میں کتنے مسلمان امیدوار کامیاب ہوئے؟ ریکارڈ ٹوٹ گئے
باغی ٹی وی کی رپورٹ کے مطابق امریکہ میں ہونے والے الیکشن میں 57 مسلمان امیدوار کامیاب ہوئے ہیں
امریکہ کے جنرل الیکشن میں حصہ لینے والے مسلم امریکی امیدواروں میں نصف سے زائد نے کامیابی حاصل کی ہے جو امریکہ میں نمایاں تبدیلی ہے۔ مسلم گروپوں نے مشترکہ سروے میں کہا کہ 110 مسلم امریکیوں نے مختلف عہدوں کیلئے انتخاب لڑا جن میں سے 57 کامیاب ہوئے۔
خبر رساں ادارے کے مطابق کونسل برائے امریکی اسلامی تعلقات ، جیٹ پیاک اور ایم پاور چینج نے 3 نومبر کے صدارتی انتخاب کے بعد یہ تفصیلات پیش کی ہیں۔ امریکہ کی 24 ریاستوں اور واشنگٹن ڈی سی میں پھیلی ہوئی مختلف نشستوں کیلئے مسلم امیدواروں نے مسابقت کی اور یہ تعداد 2016ء کے بعد سے زیادہ ہے۔
Over 57 Muslim candidates have won US elections 2020. Thank you America, Bye Bye Islamophobic Trump. We are hopeful the world would be a better place.✌🇺🇸 pic.twitter.com/T2MtWolFni
— Salman Nizami (@SalmanNizami_) November 9, 2020
کامیاب ہونے والے 57 امیدواروں میں سے 7 نے اپنے متعلقہ ریاستی عہدوں کیلئے منتخب ہوکر تاریخ رقم کی،ان عہدوں پر پہلے کبھی کوئی مسلم امیدوار منتخب نہیں ہوا تھا۔
امریکی ایوان نمائندگان میں 435 نشستیں ہیں اور ایوان بالا (سینیٹ ) کی 100 سیٹیں ہیں۔ جیٹ پیاک کے ایگزیکٹیو ڈائریکٹر محمد مسوری کا کہنا ہے کہ امریکہ میں مسلمانوں کی سیاسی نمائندگی میں اضافہ کلیدی تبدیلی ہے جو بڑھتے اور پرتشدد اسلاموفوبیا کو زائل کرنے میں مدد دے گی۔
الیکشن میں منتخب مسلم عہدیداران اور ان کے ساتھ دیانت دار و ذمہ دار میڈیا مل کر اسلام کے تعلق سے پھیلی کئی غلط فہمیوں کوختم کرسکتے ہیں۔ اسٹیٹ الیکشن میں منتخب 11مسلم امیدوار ماری ٹرنر ، مدینہ ویلسن ۔ اینٹن ، امام جودہ ، سامبا بالدہ ، کریس بنجامن ، فادی قدورہ ، ہودھان حسن ، محمد نور ، عمر فتح ، ابراہم عائشہ اور زہران ممدانی ہیں ،
ٹرمپ کے لئے بڑی مشکل ،الیکشن ہارنے کے بعد بیوی نے بھی ساتھ چھوڑنے کا فیصلہ کر لیا
