مسلم لیگ(ن) پنجاب کی ترجمان عظمیٰ بخاری کی لاہور میں خواتین کے ساتھ بدسلوکی کے بڑھتے واقعات پر تشویش کا اظہار کیا ہے-
باغی ٹی وی : مسلم لیگ(ن) پنجاب کی ترجمان عظمیٰ بخاری نے کہا کہ پنجاب میں لاءاینڈ آڈر کی بگڑتی صورتحال کے ذمہ دار وزیراعلی اور وزیرقانون پنجاب ہیں عثمان بزدار اور راجہ بشارت کو فوری طور پر اپنے عہدوں سے مستعفی ہونا چاہیے-
عظمیٰ بخاری نے کہا کہ لاہور میں خواتین کے ساتھ بدسلوکی کے بڑھتے واقعات سے خواتین خود کو غیر محفوظ محسوس کررہی ہیں ایسے واقعات کا مقصد ورکنگ ویمن کو گھروں تک محدود کرنے کی گھناﺅنی سازش ہے-
انہوں نے کہا کہ ایک ہفتے میں درجن بھر خواتین کے ساتھ تضحیک آمیز سلوک کی فوٹیجز نے پولیس کی کارکردگی پر بھی سوالات اٹھادیے ہیں مینار پاکستان اور رکشے میں خواتین کے ساتھ بیہودہ حرکت سے گھروں سے باہر نکلنے والی خواتین کو تشویش میں مبتلا کردیا ہے
عظمیٰ بخاری نے کہا کہ جس ملک کا وزیراعظم خواتین کے لباس کو ریپ کا ذمہ ٹھہرائے ایسے ملک میں پھر ایسے ہی واقعات ہوں گےشرانگیز اوراشتعال انگیز حکومتی رویے نے آوارہ گرد نوجوانوں کو شہہ دی ہےدونوں واقعات میں پولیس کو دوران تفتیش معلوم ہوا سیف سٹی کے متعدد کیمرے عرصہ دراز سے خراب پڑے ہیں
ترجمان مسلم لیگ ن نے کہا کہ مینار پاکستان ،لاری اڈا سمیت لاہور شہر کے متعدد اہم مقامات کے کیمرے کئی ماہ سے خراب پڑے ہیں بزدار حکومت نے پولیس افسران کو ہٹاکر سارا ملبہ ان پر ڈالنے کی کوشش کی ہےعثمان بزدار نے تین سال اپنی انتظامی نااہلیوں کا بوجھ بھی اداروں پر ڈالنے میں گزار دیے ہیں-
Leave a reply
