واسع چوہدری کا پنجاب فلم سنسر بورڈ‌ میں اپنا کردار ختم ہونے پر مزاحیہ انداز میں تبصرہ

نگران سیٹ اپ کے بعد پنجاب فلم سنسر بورڈ کو ختم کر دیا گیا ہے اور اس کےتمام ممبران کو گھر بھیج دیا گیا ہے. نئی ٹیم کی تشکیل کےلئےمشاورت جاری ہے تاہم یہ بھی کہا جا رہا ہے کہ پاکستان فلم انڈسٹری کی ایک اہم شخصیت کو پنجاب فلم سنسر بورڈ کا چئیرمین لگائے جانے کا امکان ہے. اداکار اور رائٹر واسع چوہدری جو کہ پنجاب فلم سنسر بورڈ کے وائس چئیرمین تھے وہ بھی اس عہدے سے فارغ ہو گئے ہیں ، اپنے عہدے سے فراغت نے بعد انہوں نے کہا کہ میراپنجاب فلم سنسر بورڈ میں کردار ختم ہو گیا ہے اس دوان میں نے 8 فلمیں دیکھیں‌ ، 4 کپ کافی پی ، 1 پاپ کارن ، 1 چپس کا پیکٹ ، 3 پانی کی بوتلیں پی . یوں واسع چوہدری نے دلچپسپ انداز میں پنجاب فلم سنسر بورڈ میں اپنی کارکردگی کے

بارے میں بات کی . ان کے مداحوں نے ان کے اس انداز کو خوب سراہا. یاد رہے کہ واسع چوہدری نے جوانی پھر نہیں آنی جیسی فلمیں‌لکھی ہیں اور نجی چینل پر ایک پروگرام بھی ہوسٹ کرتے ہیں ، واسع میں خداد صلاحیتیں ہیں وہ جو بھی کام کرتے ہیں اسی کے لئے پرفیکٹ لگتے ہیں. واسع چوہدری زیادہ تر ہمایوں سعید کے ساتھ کام کرتےہیں اور ہمایوں کے ساتھ جب بھی انہوں نے مل کر کوئی کام کیا ہے وہ روٹین سے ہٹ کر ہی ثابت ہوا ہے.