ڈپٹی کمشنر مبین الہی نے کہا ہے کہ ضلع وہاڑی میں 21 دیہی مراکز مال قائم کر دیئے گئے ہیں، ہر قانون گوئی میں مرکز مال قائم کیا جارہا ہے، دیہی مرکز مال سے عوام کو فرد ملکیت کا حصول، اراضی کے انتقالات اور دیگر ریونیو سہولیات میسر آئیں گی، کاشتکاروں کو کھاد، بیج اور زرعی ادویات کی قیمتوں اور فراہمی کے بارے میں آگاہ کیا جائے گا، کاشتکاروں کو فصلوں کی بہتر پیداوار کیلئے رہنمائی دی جائے گی، کسانوں کو حکومت کی طرف سے فراہم کی جانیوالی سبسڈی سکیموں کے بارے میں آگاہی دی جائے گی.
ممبر صوبائی اسمبلی اعجاز سلطان بندیشہ نے کہا ہے کہ دیہی مرکز مال 35ڈبلیو بی کا قیام اہل علاقہ کیلئے ایک بہت اہم سہولت ثابت ہو گی، موجود ہ حکومت کا شتکاروں کو بہترین سہولیات کی فراہمی کیلئے کوشاں ہے، موجودہ حکومت نے فصلوں کو کیش کراپ بنا دیا ہے، کسان کارڈ کاشتکاروں کی فلاح کا ایک ذریعہ ہے.
طیب اشرف
نمائندہ باغی ٹی وی لڈن
تحصیل وہاڑی ضلع وہاڑی
