مکہ مکرمہ: ان انسانوں کے لیے جومتکبرہیں : خانہ کعبہ میں مطاف کے احاطے میں کبوتر کی سجدہ ریز ہونے کی ویڈیو سوشل میڈیا پر وائرل ،اطلاعات کے مطابق سوشل میڈیا پر خانہ کعبہ کے سامنے مطاف کے احاطہ میں کبوتر کی سجدہ ریز ہونے کی ویڈیو وائرل ہو گئی
A pigeon exhibits acts of sujood in the Mataaf pic.twitter.com/LvsUgQjiMS
— Inside the Haramain (@insharifain) January 19, 2021
اس مطیع وفرمانبردار کبوتر کی سجدہ کرنے کی یہ ویڈیو اس قدر پسند کی جارہی ہے کہ جسے ٹویٹر صارفین کی جانب سے بارہا شئیر بھی کیا گیا۔ االہ تعالیٰ قرآن پاک میں فرماتا ہے ”کیا تم نے نہیں دیکھا کہ جو کوئی آسمانوں میں ہے اور جو کوئی زمین میں ہے اور سورج اور چاند اور ستارے اور پہاڑ اور درخت اور چارپائے اور آدمی اللہ ہی کو سجدہ کرتے ہیں” ۔
بحیثیت مسلمان اس بات پر ہم کسی قسم کا شک و شُبہ نہیں ہے کہ اس کائنات میں جو کچھ بھی ہے وہ اللہ تعالیٰ کا ہی تخلیق کردہ ہے ، اور پرندوں ، جانوروں سمیت تمام جن و انس بھی اپنے اپنے مخصوص انداز میں اللہ ہی کی عبادت کرتے ہیں اور اُسی کے سامنے سجدہ ریز ہوتے ہیں۔
یاد رہے کہ اس سے پہلے سوشل میڈیا پر ایک ویڈیو وائرل ہوئی جس میں ایک کبوتر کو خانہ کعبہ کے سامنے مطاف کے احاطہ میں سر جُھکا کر سجدہ ریز ہوتے دیکھا گیا۔
یہ وہ جگہ ہے جہاں عازمین حج اور عمرہ زائرین خانہ کعبہ کا طواف کرتے ہیں۔ مسجد الحرام کے سفید فرش پر کبوتر کے سجدہ ریز ہونے کو ویڈیو میں واضح طور پر دیکھا جا سکتا ہے۔ سوشل میڈیا پر اس ویڈیو کو جس جس نے بھی دیکھا وہ ”سبحان اللہ” کہے بغیر نہ رہ سکا۔ اس ویڈیو کو سوشل میڈیا پر آپ بھی ملاحظہ کیجئیے:
پرندوں کا خانہ کعبہ کے گرد مسحورکن طواف
اللہ اکبر کبیرا، سبحان اللہ😍😍#Tawwaf#Birds#Baitullah pic.twitter.com/mfR41aJ1jc— Hamid Says (@hamid3996) March 13, 2020
صارفین کا کہنا ہے کہ کبوتر کا اپنے رب کے حضور سجدہ ریز ہونے کا یہ منظر ایک مسلمان کے لیے روح پرور ہے۔ واضح رہے کہ قبل ازیں گذشتہ برس پرندوں کے ہوا میں خانہ کعبہ کا طواف کرنے کی ویڈیو وائرل ہوئی تھی۔
اس ویڈیو میں دیکھا جاسکتا ہے کہ پرندوں نے غول کی صورت میں خانہ کعبہ کا طواف اُس وقت کیا تھا جب عالمی وبا کورونا کے باعث سعودی عرب میں عمرہ زائرین کی آمد پر پابندی عائد کر دی گئی تھی اور مطاف خالی رہتا تھا۔ پرندوں کی جانب سے خانہ کعبہ کے طواف کے اس روح پرور منظر کی ویڈیو بھی سوشل میڈیا پر کافی وائرل ہوئی تھی۔
