بالی وڈکے معروف اداکار یویوک اوبرائے پھنس گئے ہیں ایک مشکل میں، کیونکہ ان کے ساتھ فراڈ ہو گیا ہے. کہا جا رہا ہے کہ جس شخص نے ویوک اوبرائے کے ساتھ فراڈ کیا ہے اسکا نام سنجے ہےاور وہ اداکار کا سابق بزنس پارٹنر ہے. رپورٹس کے مطابق ممبئی پولیس نے بالی وڈ اداکار ویویک اوبرائے سے فراڈ کرنے والے ان کے سابق بزنس پارٹنر کو گرفتار کرلیا ہے۔ سنجے ساہا نامی شخص پر الزام ہے کہ انہوں نے بزنس کے نام پر اداکار سے ڈیڑھ کروڑ کی رقم بٹوری اور اسے اپنی ذاتی کاموں کیلئے استعمال کیا۔ ویویک اوبرائے کی کمپنی نے جولائی میں پولیس کو شکایت درج کرائی تھی جس میں سنجے کے ساتھ ان کی والدہ نندتا ساہا اور رادھیکا نندا سمیت دیگر افراد پر بھی فراڈ کا الزام لگایا گیا تھا۔
”پولیس شکایت کے مطابق ملزمان نے اداکار کو ایونٹ مینجمنٹ کے شعبے میں سرمایہ کاری کیلئے رقم لگانے پر آمادہ کیا اور منافع کا جھانسا دیا ”لیکن اس رقم کو مبینہ طور پر ذاتی استعمال کیلئے خرچ کیا گیا۔ اداکار کی درخواست پر پولیس نے ملزمان کے خلاف مقدمہ درج کرلیا اور گرفتاری عمل میں لائی گئی۔اس کیس کی مزید ہر حوالے سے تفتیش کی جا رہی ہے. تاہم ویویک اوبرائے اور ان کی فیملی کافی پریشانی کے عالم میں ہیں.
