وفاقی وزیر شیخ رشید کی کراچی آمد پر پی ٹی آئی رہنماؤں سمیر میر شیخ، رکن سندھ اسمبلی راجہ اظہر نے جناح ائیرپورٹ پر ان کا استقبال کیا ان کے ہمراہ ڈائریکٹر سندھ ایف آئی اے عامر فاروقی اور ڈائریکٹر ایف آئی اے سلطان خواجہ بھی موجود تھے۔
اس موقع پر وفاقی وزیرخرم شیر زمان نے میڈیا سے گفتگو میں کہا کہ سندھ کے امن وامان سے متعلق وزیراعظم فکرمند ہیں وزیراعظم کی ہدایت پر کراچی میں تمام قانون نافذ کرنے والے اداروں کے سربراہان سے ملاقات کریں گے۔
خرم شیر زمان نے کہا کہ مراد علی شاہ کہتے ہیں کہ مجھے شیخ رشید نے اپنے آنے کا بتایا نہیں ۔مراد علی شاہ کو شرم آنی چاہیے، سندھ میں لوگ مررہے ہیں آپ کو شیخ رشید کو خود بلانا چاہیے تھا ۔تھر میں پینے کا پانی نہیں ہے، تمام سیکیورٹی فورسز کی اٹھارویں ترمیم کے بعد ذمہ داری ہے ۔امن و امان برقرار رکھنا ۔نیب سے درخواست ہے محکمہ داخلہ کیخلاف نوٹس لیں ۔سندھ کے امن و امان کا بجٹ کہاں خرچ کیا جاتا ہے۔
