وہاج علی اور مہوش حیات کی اپنی نئی فلم سے امیدیں

عید الاضحی پر ریلیز ہونے جا رہی ہے فلم تیری میری کہانیاں، اس میں مختصر دورانیے کی فلمز دکھائی جائیں گی، ایک فلم مہوش حیات اور وہاج علی کی بھی ہے اسکا نام ہے بی آئی بی ، اس کے زریعے دونوں اداکار پہلی بار ایک دوسرے کے ساتھ نظر آرہے ہیں، مہوش حیات اور وہاج علی کے مداح کافی خوش ہیں اور ان دونوں کو ایک ساتھ دیکھنے کےلئے بےتاب ہیں ، فلم کی ڈائریکشن ندیم بیگ کی ہے، وہاج خان اور مہوش حیات فلم کی ریلیز سے قبل اضطرابی کی کیفیت میں ہیں اور دونوں کی جانب سے دعاﺅں کے ساتھ منتیں مانگنے کا سلسلہ شروع کر دیا گیا ہے۔

وہاج علی نے حال ہی میں کراچی میں ہونے والی تیری میری کہانیاں کی تقریب میں کہا تھا کہ میں تو مہوش حیات کی آنکھوں میں ہی دیکھتا رہ گیا مجھے نہیں پتہ چلا کہ وہ کیسی اداکاری کر رہی ہیں . مجھے ان کی آنکھوں میں اپنا آپ نظر آرہا تھا ، میں ان کی خوبصورتی کو دیکھ کر حیران رہ گیا، مہوش حیات میری پسندیدہ ہیں اور میری خوش نصیبی ہے کہ مجھے ان کے ساتھ کام کرنے کا موقع میسر آیا ہے، یہ بھی امید ہے کہ شائقین ہم دونوں کو ایک ساتھ بہت پسند کریں گے.