اسلام آباد:واپڈا ڈیموں کی تعمیر دیئے گئے مقررہ وقت کے اندرمکمل کرے:وزیراعظم کی چیئرمین واپڈا کوہدایت ،اطلاعات کے مطابق پاکستان میں توانائی کے بحران سے نمٹنے کے لیے حکومت کی پالیسیوں کو عملی جامہ پہنانے کے حوالے سے وزیراعظم عمران خان متعلقہ اداروں کے سربراہان کو مسلسل ہدایات دے رہے ہیں ، اس سلسلے میں آج وزیر اعظم عمران خان نے چیئرمین واپڈا کو ملک میں ڈیموں کے تعمیراتی کام مقررہ مدت میں مکمل کرنے کی ہدایت کی ہے۔
وزیر اعظم عمران خان سے چیئرمین واٹر اینڈ پاور ڈویلپمنٹ اتھارٹی (واپڈا) لیفٹیننٹ جنرل (ر) مزمل حسین نے ملاقات کی اور بڑے ڈیموں کی تعمیر پر پیش رفت سے آگاہ کیا۔
وزیراعظم عمران خان نے ڈیموں کی تعمیر میں پیش رفت پر اطمینان کا اظہارکرتے ہوئے ہدایت کی کہ ڈیموں کا تعمیراتی کام مقررہ مدت میں مکمل کرنے کے اقدامات یقینی بنائیں۔
وزیراعظم کا کہنا تھا کہ پانی کی ضروریات پوری کرنےکے لیے نئے ڈیموں کی تعمیر وقت کی اہم ضرورت ہے،نئے ڈیموں کی تعمیر پانی کے ساتھ ساتھ ملکی توانائی کی ضروریات پورا کرے گی۔وزیراعظم نے مزید کہا کہ نئے ڈیموں کی تعمیر سستی بجلی کی فراہمی بھی یقینی بنائے گی۔
Leave a reply
