لاہور : باولنگ کوچ وقار یونس نے ہیڈ کوچ مصباح الحق کو پاکستان کرکٹ کی سحر انگیز شخصیت قرار دے ديا ۔ وقار یونس نے کہا کہ مصباح اور میری سوچ کافی ملتی ہے کوشش ہوگی کہ کوئی تنازغ کھڑا کیے بغیر۔پاکستان کرکٹ کو اچھے اندازمیں آگے لے کر چلیں وقار یونس کا کہنا تھا کہ ایک ہی ہیڈ کوچ اور چیف سلیکٹر کا تجربہ مختلف ممالک میں کامیاب ہوچکا ہے
وقار یونس نے کہا امید ہے کہ پاکستان میں بھی یہ تجربہ کامیاب ہوگا ۔ اور مصباح الحق اچھے نتائج دیں گے ۔ کوشش کروں گا کہ مصباح الحق کی جتنی سپورٹ کی جائے کروں وقار یونس نے سرفراز کو تجربے کی بنیاد پر ٹیم کی ضرورت قرار دیتے ہوئے کہا کہ میرے خیال میں سرفراز تجربہ کار ہیں ان کو پاکستان ٹیم میں ہونا چاہئیے ۔
باغی ٹی وی کے مطابق عمر اکمل اور احمد شہزاد کے بارے ميں يہ کھبي نہيں کہا تھا کہ ان کو ٹيم ميں نہيں ہونا چاہيئے بلکہ اپني رپورٹ ميں لکھا تھا کہ ان کو مزيد تجربے کے ليے ڈومیسٹک کرکٹ میں بھیجا جائے ۔ اب بہت عرصہ ہوچکا ہے دونوں کارکردگي دکھا کر واپس آئے ہيں اور ان کے رویے میں بھي بہتری آئی ہے ۔
دوسري جانب سری لنکا کے خلاف سیریز کی تیاریوں کے لئے قذافي سٹيڈيم ميں جاري تربيتي کيمپ ميں لنکن ٹائیگرزکو قابو کرنے کےلئے پاکستانی شاہینوں کی مشقیں حتمی مرحلے میں داخل ہو گئیں تربیتی کیمپ میں کھلاڑیوں نے فزیکل فٹنس کو بہتر بنانے کے ساتھ ساتھ فیلڈنگ ٹریننگ کی جبکہ کیمپ میں ٹارگٹ میچ بھی کھیلا گیا۔
