وزیر اعظم کا دورہ ترکی، ملکی معیشت پر مثبت اثرات مرتب ہوں گے.گورنر پنجاب

گورنر پنجاب محمد بلیغ الرحمان سے پارلیمنٹیریننز اور مختلف وفود نے ملاقات کی ہے.
ملاقات کرنے والوں میں ایم این اے چوہدری حامد حمید، ایم پی اے حافظ نعمان، ایم پی اے میاں مرغوب احمد، ایم پی اے رابعہ فاروقی اور وزیر اعلی پنجاب کے پولیٹیکل اسسٹنٹ ملک ابرار احمد شامل تھے.ملاقات کرنے والے پارلیمنٹیریننز نے بلیغ الرحمان کو گورنر پنجاب کا عہدہ سنبھالنے پر مبارکباد دی اور نیک خواہشات کا اظہارِ کیا.

اس موقع پر گورنر پنجاب بلیغ الرحمان نے کہا کہ پارٹی قیادت نے میرے اوپر جس اعتماد کا اظہار کیا ہے اس پہ پورا اترنے کی کوشش کروں گا. حکومت کو معیشت سمیت بہت سے چیلنجز کا سامنا ہے. نیک ارادے کے ساتھ عوام کی خدمت کا مشن لے کر آئے ہیں.

گورنر پنجاب نے کہا کہ وزیر اعظم کے دورہ ترکی کے ملک کی معیشت پر مثبت اثرات مرتب ہوں گے. تعلیمی اداروں میں اساتذہ نوجوانوں کو تعلیم دینے کے ساتھ کردار سازی پہ بھی توجہ دیں. خدمت خلق مسلم لیگ ن کی ہمیشہ ترجیح رہی ہے. مسلم لیگ (ن) کے ویژن کے مطابق اعلی تعلیم اولین ترجیح ہے. بلیغ الرحمان کا مزید کہنا تھا کہ مسلم لیگ ن نے اپنے سابقہ ادوار میں ہائر ایجوکیشن اور ریسرچ پہ فوکس کیا. یونیورسٹیوں میں ریسرچ کے معیار کو مذید بہتر کریں گے.

قبل ازیں گورنر پنجاب محمد بلیغ الرحمان سے 3 یونیورسٹیوں کے وائس چانسلرز نے ملاقات کی ہےتھی.ملاقات کرنے والے وائس چانسلرز میں کنگ ایڈورڈ میڈیکل یونیورسٹی کے وائس چانسلر خالد مسعود گوندل، وائس چانسلر پنجاب یونیورسٹی ڈاکٹر نیاز احمد اختر، وائس چانسلر نیشنل سکلز یونیورسٹی اسلام آباد پروفیسر ڈاکٹر مختار شامل تھے،کنگ ایڈورڈ میڈیکل یونیورسٹی کی پروفیسر بلقیس شبیر اور پروفیسر سائرہ افضل بھی اس موقع پر موجود تھیں۔

وائس چانسلرز نے گورنر پنجاب کو عہدہ سنبھالنے پر مبارکباد دی اور نیک خواہشات کا اظہار کیا۔اس موقع پر گورنر پنجاب کا کہنا تھا کہ کورونا وبا ء کے دوران کنگ ایڈورڈ میڈیکل یونیورسٹی کے ٹیلی میڈیسن سینٹرز سے ہزاروں لوگ مستفید ہوئے۔ یونیورسٹیاں ریسرچ کے شعبے میں بالخصوص ماحولیاتی تبدیلی کے حوالے سے تحقیق پہ خصوصی توجہ دیں.

گورنر پنجاب نے وائس چانسلرز سے ماحولیاتی تبدیلیوں اور گلوبل وارمنگ پرجامعات میں کی گئی تحقیق کی روشنی میں اس مسلے کے حوالے سے تجاویز طلب کر لیں۔گورنے پنجاب نے کہا کہ مسلم لیگ ن نے ہمیشہ ہائر ایجوکیشن اور ریسرچ پر توجہ دی۔ مسلم لیگ ن کے سابق دور میں ہائر ایجوکیشن کمیشن کے بجٹ میں غیر معمولی اضافہ کیا گیا۔

گورنرپنجاب کامزئد کہنا تھا کہ تعلیمی اداروں میں اساتذہ طلبہ کی اخلاقی تربیت اور کردار سازی پر بھی توجہ دیں۔ اس موقع پر گفتگو کرتے ہوئے کنگ ایڈورڈ میڈیکل یونیورسٹی کے وائس چانسلر خالد مسعود گوندل نے کہا کہ کورونا وباء کے دوران کنگ ایڈورڈ میں100 سے زیادہ ریسرچ پیپرز لکھے گئے۔ ورلڈ ہیلتھ آرگنائزیشن کے مطابق پاکستان ان 5 ممالک میں ہے جنہوں نے کورونا کے خلاف مؤثر حکمت عملی اپنائی۔