fbpx

واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

باغی ٹی وی کی رپورٹ کے مطابق مری میں سیاح اور اسکی حاملہ بیوی پر تشدد کرنے والے گلوریا جینز کے ملازمین گرفتار کر لئے گئے

ایک مشہور فوڈ چین ، گلوریا جینز کے عملے کے کم از کم تین افراد کو پولیس کی تحویل میں لے لیا گیا ہے جس میں ایک ویڈیو وائرل ہونے کے دوران انھیں ایک مرد اور اس کی حامل بیوی کی زدکوب کرتے ہوئے دکھایا گیا ہے۔

مری ایکسپریس وے پر گلوریا جینز ریسٹورنٹ کے عملے نے فیملی کے ساتھ بدتمیزی کی،فیملی مری سیر کرنے گئی تھی. نماز کا ٹائم ہونے پر دونوں میاں بیوی نے گلوریا جینز کیفے کا واش روم استعمال کیا. کیفے کے ملازمین نے پہلے گالم گلوچ اور پھر تشدد کیا کہ جب کیفے سے کچھ کھایا پیا کچھ نہیں تو واش روم کیوں استعمال کیا؟

یہ واقعہ 12 ستمبر کوپیش آیا جہاں ریستوراں کے عملے نے ایک شخص کو اس کی حامل بیوی سمیت پیٹا۔ ویڈیو میں یہ شخص صاف طور پر کہہ رہا ہے کہ ، "میری بیوی حاملہ ہے” ، جب کہ ہوٹل کی انتظامیہ اس پر تشدد کر رہی تھی، ہوٹل ملازمین نے سیاح اور اس کی فیملی کو گالیاں بھی دیں، ملازمین نے سیاح اور اسکی فیملی پر ڈنڈوں سے تشدد کیا

متاثرہ شخص ، توقیر نے پولیس کو بتایا کہ وہ ہفتہ کی رات اپنی فیملی کے ساتھ مشہور پہاڑی اسٹیشن گیا تھا۔ وہ کھانے پینے کے لئے ریستوراں گئے تھے ، لیکن اس سے عملے سے شدید بحث و مباحثہ کیا۔ اس کے بعد توقیر پر ہوٹل مینجمنٹ کے ممبروں نے حملہ کیا جس سے وہ زخمی ہو گیا،

پولیس کے مطابق ، دونوں فریقوں نے ایک دوسرے کے خلاف شکایات درج کیں ، اگرچہ متاثرہ کی میڈیکل رپورٹس کی روشنی میں مزید کارروائی کی جائے گی، وزیراعلیٰ پنجاب عثمان بزدار نے واقعے کا نوٹس لیتے ہوئے کمشنر راولپنڈی اور آر پی او کو رپورٹ طلب کرنے کا حکم دیا

دوسری جانب پولیس کا کہنا تھا کہ گلوریا جینز نامی انٹرنیشنل کافی چین کے ہوٹل پر سیاحوں اور ہوٹل انتظامیہ کے مابین تلخ کلامی اور لڑائ جھگڑے کامعاملہ، 03 مرکزی ملزمان گرفتار کر لئے گئے،سیاح علی توقیر کی درخواست پر ہوٹل انتظامیہ اور ملازمان کےخلاف مقدمہ درج کیا گیا تھا۔ دیگر ملزمان کی گرفتاری کے لیےچھاپے مارے جا رہے ہیں۔

Facebook Notice for EU! You need to login to view and post FB Comments!