وزیر خارجہ سے علامہ طاہر اشرفی کی ملاقات،کیا ہوئی بات؟ اہم خبر

وزیر خارجہ سے علامہ طاہر اشرفی کی ملاقات،کیا ہوئی بات؟ اہم خبر

باغی ٹی وی کی رپورٹ کے مطابق وزیر خارجہ شاہ محمود قریشی سے ممتاز مذہبی اسکالر مولانا طاہر اشرفی نے جمعہ کو وزارتِ خارجہ میں ملاقات کی۔

دونوں رہنماؤں کے مابین ہونے والی ملاقات میں اہم مذہبی اور سیاسی امور پر تبادلہ خیال کیا گیا۔ وزیر خارجہ شاہ محمود قریشی نے کہا کہ مذہبی اسکالر ملک میں عوام کی رہنمائی اور تربیت میں اہم کردار ادا کر رہے ہیں۔

پاکستان علماء کونسل کے چیئرمین مولانا طاہر اشرفی نے وزیر خارجہ کو یقین دلایا کہ ملک و قوم کی بھلائی کیلئے تمام علماء اور اسکالر ملکی قیادت کے ساتھ ہیں. ملک میں اتحاد و یکجہتی کو فروغ دینے کے لئے علما کرام منبر و محراب سے آواز بلند کرتے رہیں گے.

اس موقع پر کشمیر اور بھارت میں انسانی حقوق کی خلاف ورزیوں پر بات کی گئی، وزیر خارجہ شاہ محمود قریشی نے کہا کہ بھارت مقبوضہ کشمیر میں انسانی حقوق کی خلاف ورزیاں کر رہا ہے، کشمیر میں کرفیو کو 200 سے زائد روز گزر گئے، عالمی دنیا بھی کشمیریوں کے حق میں بات کر رہی ہے یہ پاکستان کی کامیاب سفارتکاری کا نتیجہ ہے، علامہ طاہر اشرفی نے کشمیر کا مقدمہ بہترین انداز میں لڑنے پر وزیر خارجہ شاہ محمود قریشی کو خراج تحسین پیش کیا.

میرا جسم میری مرضی، طاہر اشرفی بھی میدان میں آ گئے، عورت مارچ منتظمین کو دی "دعوت”