وزیر ریلوے شیخ رشید احمد سے پاکستان میں ایران کے سفیر کی ملاقات
باغی ٹی و ی : وزیر ریلوے شیخ رشید احمد سے پاکستان میں ایران کے سفیر عزت مآب سید محمد علی حسینی نے ملاقات کی ہے .
پاکستان اور ایران کے درمیان ریل کے شعبہ میں تعاون بڑھانے پر بات چیت ہوئی .
اس سلسلے میں شیخ رشید احمد نے کہا کہ پاکستان ریلوے کوئیٹہ، تافتان ریل ٹریک کو اپ گریڈ کرنے کے حوالے سے فیزیبیلیٹی سٹڈی مکمل کر چکا ہے۔کوئیٹہ- تافتان ٹریک کی اپ گری ڈیشن پر 112 ارب روپے خرچ ہونگے۔ پراجیکٹ کی تکمیل سے پاکستان اور ایران کے درمیان مسافروں کی آمدورفت اور تجارت میں اضافہ ہو گا۔
پاکستان اور چین کے درمیان سی پیک کے تحت منظور ہونے والے ایم ایل ون منصوبے سے پاکستان میں ریل کا انقلاب آئیگا۔خواہش ہے سی پیک منصوبے کے تحت پاکستان اور ایران کے درمیان ریل تعاون کو زیادہ تیزی سے آگے بڑھایا جائے۔
ایرانی سفیر نے کہا کہ اکنامک کوورڈینیشن آرگنائیزیشن (ای سی او) کے تحت پاکستان-ایران-ترکی فریٹ ٹرین کے حوالے سے کوششوں کو تیز کرنے کی ضرورت ہے۔ پاکستان ریلوےاورایران ریل کے درمیان شراکت داری کے باہمی منصوبوں میں تیزی لانے کے لئے چیرمین ریلوے کی سربراہی میں کمیٹی کا قیام عمل میں آیا.
ایرانی سفیر نے شیخ رشید احمد کو ایران کے وزیر ٹرانسپورٹ عزت مآب محمداسلامی کا تہنیتی پیغام بھی پہنچایا۔ یوم آزادی پاکستان پر وزیر ریلوے کو پیشگی مبارکباد دی۔
