وزیراعظم نے خطاب کیوں ملتوی کیا، معاون خصوصی اطلاعات نے بتا دیا

معاون خصوصی اطلاعات فردوس عاشق اعوان نے تقریب سے خطاب کرتے ہوئے کہا ہے کہ کشمیرحکومت کی اولین ترجیحات میں شامل ہے۔ بھارت نے مقبوضہ کشمیر کو دنیا کی سب سے بڑی جیل میں تبدیل کر دیا ہے۔
سلامتی کونسل بھارت پر دباؤ ڈالنے میں‌ ناکام رہی تو کیا ہو گا؟ فردوس عاشق اعوان نے بتا دیا
انہوں نے کہا کہ گزشتہ کئی ہفتوں سے مقبوضہ وادی میں بھارت کی جارحیت جاری ہے۔ حق کے لیے آواز اٹھانے والا بھارتی فوج کی ریاستی دہشت گردی کا نشانہ بنتاہے۔ مقبوضہ وادی میں بچے دودھ اور بیمار ادویات کو ترس رہے ہیں۔

فردوس عاشق اعوان نے کہا کہ وزیراعظم مسلسل مظلوم کشمیریوں کی جنگ لڑ رہے ہیں۔ کشمیر کاز کے لیے حکومتی کارکردگی پر وزیر اعظم کا خطاب ملتوی کیا گیا۔ کشمیر کاز کے لیے ہم نے اپنے سیاسی اختلافات پس پشت ڈال دیے ہیں۔ ہم صرف قومی بیانیہ لے کر آگے چل رہے ہیں۔

انہوں نے مزید کہا کہ مثبت تنقید جمہوریت کا حسن ہے، ہم اس کی قدر کرتے ہیں۔ جہاں حکومت سے غلطی ہو میڈیا اس کی نشاندہی کرتا ہے۔