افغانستان کے صوبے ہرات میں ہفتے کے روز آنے والے شدید زلزلے میں 2 ہزار سے زائد انسانی جانیں چلی گئیں جبکہ 9 ہزار سے زائد افراد زخمی ہو گئے ہیں،ہلاکتوں میں اضافے کا خدشہ ظاہر کیا جا رہا ہے۔

باغی ٹی وی : افغانستان کے صوبے ہرات میں گزشتہ روز شدید زلزلہ آیا جو 2 ہزار سےزائد انسانی جانوں کو نگل گیا ،افغان وزارت آفات کے مطابق زلزلے کے نتیجے میں اموات کی تعداد 2 ہزار 53 ، جبکہ 9 ہزار 240 افراد زخمی ہو گئے ہیں ، اس کے علاوہ ایک ہزار 328 گھروں کو نقصان پہنچا ہے۔

افغان حکام کے مطابق صوبے ہرات میں آنے والے زلزلے کی شدت 6.3 ریکارڈ کی گئی جس کے سبب انفرا اسٹرکچر کو شدید نقصان پہنچا جب کہ بادغیس اور فرح صوبے میں بھی آفٹر شاکس محسوس کیے گئے، زلزلے کے نتیجے میں زندہ جان اور غوریان اضلاع کے 12 دیہات مکمل تباہ ہو گئے، ملبے سے مزید لوگوں کو نکالنے کیلئے سرچ اینڈ ریسکیو آپریشن جاری ہے۔

افغانستان میں زلزلے سے اموات کی تعداد 2 ہزار سے زائد ہو گئی

ملک میں قدرتی آفت کے باعث سنگین صورتحال پر کرکٹ ورلڈکپ کے لیے بھارت میں موجود افغان آل راؤنڈر راشد خان جو اس نے اپنی ورلڈکپ کی میچ فیس زلزلہ متاثرین کو عطیہ کرنے کا اعلان کیا ہے-

راشد خان نے سماجی رابطے کی ویب سائٹ انسٹاگرام پر زلزلہ متاثرین کی کچھ تصاویر شیئر کیں اور لکھا کہ میں نے افغانستان کے مغربی صوبوں (ہرات، فراہ اور بادغیس) میں آنے والے زلزلے کے المناک نتائج کے بارے میں سنا جس کا مجھے بے حد افسوس ہےمیں متاثرہ لوگوں کی مدد کے لیے کرکٹ ورلڈکپ کی اپنی تمام میچ فیس عطیہ کر رہا ہوں، جلد ہی ہم ان لوگوں سے رابطہ کرنے کے لیے ایک فنڈ ریزنگ مہم شروع کریں گے جس سے ضرورت مند لوگوں کی مدد کی جا سکے گی-

شکاگو میں ایک ہی دن ایک ہی عمارت سے ٹکرانے سے ایک ہزار پرندے …