نیویارک: وزیراعظم کے ساتھ جانے والے تمام افراد اپنی مصروفیات کو بامقصد بنارہی ہیں، ان خیالات کا اظہار مشیر خزانہ عبد الحفیظ شیخ نے ایک مجلس میںکیا ، مشیر خزانہ کا کہنا ہے کہ امریکا میں کاروباری گروپس اور شخصیات سے بھی ملاقاتیں ہو رہی ہیں، امریکا سے بین الاقوامی سرمایے کو پاکستان کی طرف مائل کر رہے ہیں۔
مشیر خزانہ کا کہنا تھا کہ امریکا میں کاروباری سرگرمیوں سے متعلق کہا ہے کہ پاکستان میں انٹرنیشنل کیپیٹل کی آمد کے لیے کوششیں کی جا رہی ہیں۔حفیظ شیخ نے کہاکہ ملاقاتوں میں کاروباری شخصیات اور گروپس کو پاکستان میں سرمایہ کاری کے لحاظ سے آگاہی دی جا رہی ہے، بالخصوص پاکستان کے برآمدی سیکٹرز میں سرمایہ کاری سے متعلق آگاہ کیا جا رہا ہے۔
