محکمہ موسمیات نے سندھ میں شدید سردی کی پیشگوئی کر دی

محکمہ موسمیات نے سندھ میں 3 دن شدید سردی کی پیشگوئی کی ہے۔ محکمہ موسمیات نے سندھ میں ایک بار پھر شدید سردی کی پیشگوئی کرتے ہوئے بتایا ہے کہ سندھ میں سردی کے دوران درجہ حرارت 8 ڈگری سینٹی گریڈ تک جانے کا امکان ہے۔محکمہ موسمیات کے مطابق مغربی ہواؤں کا ایک سسٹم 23 جنوری کو ملک کے شمالی حصے پر اثرانداز ہوسکتا ہے،

مغربی سسٹم کے باعث کراچی میں بھی تین سے چار روز سردی کی لہر برقرار رہ سکتی ہے اور 24 سے 26 جنوری کے دوران سردی کی شدت میں اضافہ ہونے کا امکان ہے۔ترجمان محکمہ موسمیات خالد ملک کا کہنا ہے کہ 24 اور 26 جنوری کے دوران شہر میں سائبرین ہوائیں معمول سے تیز چلنے کا امکان بھی ہے، اور اس کے باعث درجہ حرارت 8ڈگری سینٹی گریڈ تک جانے کا امکان رہے گا۔