غیر قانونی اسقاط حمل کے موضوع پربنائی گئی ویب سیریز ’دائی ‘ کا ٹریلر اردو فلیکس پر جاری کردیا گیا ہے-
باغی ٹی وی : اردو فلیکس پر جاری ٹریلر کے مطابق اداکارہ فریحہ الطاف دائی (باجی )کا کردار ادا کر رہی ہیں دائی غیر قانونی طریقے سے اسقاط حمل کی ماہر ہے اور وہ ایک بے رحم عورت ہے جو کہ تکلیف دہ طریقے سے یہ غیر قانونی دھندہ کرتی ہے اور اس عمل کے دوران اس پر قتل کا الزام بھی ہوتا ہے ۔
دائی کے ایگزیکٹوپروڈیوسر فرحان گوہر ہیں اس کو پرڈیوس نعمان خان نے کیا ہے اور ڈائریکٹر فرخ فیاض ہیں اس کی کہانی سید محمد احمدنے لکھی ہے جبکہ کاسٹ میں فریحہ الطاف ،سہیل سمیر، سبحان اعوان ،نمرہ شاہد ،اسفند یار ،محسن اعجاز ،زارا اور راجا شاہد شامل ہیں۔
ویب سیریز کو کرائم تھرلر کے طور پر پیش کیا گیا ہے جس میں ہر آنے والا سین دوسروں کی توجہ کو اپنی جانب مبذول کرتا ہے یہ ویب سریز جلد ہی اردو فلیکس پردکھائی جائے گی جو کہ ایپل ایپ سٹور،گوگل پلے ،روکو ٹی وی اور انڈرائیڈ ٹی وی پر دستیاب ہے ۔
https://youtu.be/s4ai1xU4kVA
