لیڈز: آئی سی سی کرکٹ ورلڈ کپ 2019 کے 42 ویں میچ میں ویسٹ انڈیز نے اٖفغانستان کو جیت کے لیے 312 رنز کا ہدف دیا ہے۔
لیڈز کے ہینڈگلے اوول گراؤنڈ کھیلے جا رہے میچ میں ویسٹ انڈیز کے کپتان جیسن ہولڈر نے ٹاس جیت کر خود بیٹنگ کا فیصلہ کیا تو کرس گیل اور ایون لیوس نے اننگز کا آغاز کیا۔
ورلڈ کپ کے میچ میں ویسٹ انڈیز اور افغانستان کی ٹیموں کے مابین میچ جاری ہے اور 42ویں میچ میں ویسٹ انڈیز نے افغانستان کو 312 رنز کا ہدف دیا ہے. ویسٹ انڈیز کی جانب سے کرس گیل نے سات، ایون لیوس نے 55 سکور کئے اور راشد خان کی گیند پر کیچ آؤٹ ہوئے. بلے باز شیمرون ہیٹ مئیر اور شائے ہوپس نے ٹیم کا اسکور 174 رنز تک پہنچایا تو ہیٹ مئیر 39 رنز بنا کر آؤٹ ہو گئے اور شائی ہوپس بھی 77 رنز کی اننگز کھیل کر آؤٹ ہوئے۔
باغی ٹی وی کی رپورٹ کےمطابق ویسٹ انڈیز کی جانب سے نکولس پوران نے 58 رنز کی شاندار اننگز کھیلی، کپتان جیسن ہولڈرنے 45 رنز بنائے. ویسٹ انڈیز نے مقررہ 50 اوورز میں 6 وکٹوں کے نقصان پر 311 رنز بنائے۔ دونوں ٹیمیں ورلڈ کپ کی دوڑ سے باہر ہو چکی ہیں. ویسٹ انڈیز 3 پوائنٹس کے ساتھ نویں اور افغانستان کی ٹیم ایونٹ میں کوئی میچ نہیں جیت سکی اور پوائنٹس ٹیبل پر دسویں نمبر پر موجود ہے۔ ویسٹ انڈیز نے پہلا میچ پاکستان کو ہرایا تاہم بعد میں اسے سات میچوں میںشکست کا سامنا کرنا پڑا.
دونوں ٹیمیں پوائنٹس ٹیبل پر آخری نمبروں پر موجود ہیں ،آٹھویں نمبر پر موجود ویسٹ انڈیز کی ٹیم نے واحد میچ پاکستان کرکٹ ٹیم سے جیت رکھا ہے۔ ویسٹ انڈیز کا ایک میچ بارش کی نظر ہوا اورانہوں نے چھ میچ ہارے ۔پوائنٹس ٹیبل پر آخری نمبر پر موجود افغانستان کی ٹیم نے ورلڈ کپ میں اچھی کارکردگی دکھائی لیکن کوئی بھی میچ نہ جیت سکی ۔
ورلڈکپ 2019 کے 41ویں میچ میں گزشتہ روز میزبان ٹیم انگلینڈ نے نیوزی لینڈ کو 119 رنز کے بڑے مارجن سے شکست دے کر سیمی فائنل میں جگہ بنا لی ہے.