مریدکے کرکٹ اسٹیڈیم کی بحالی کا فیصلہ کیا گیا ہے
مریدکے کرکٹ اسٹیڈیم کی بحالی کے لیے سابق اور موجودہ کرکٹرز کی صوبائی وزیر کھیل رائے تیمور بھٹی سے ملاقات کی۔ ملاقات کرنے والوں میں سابق ٹیسٹ کرکٹر رانا نوید الحسن ، قیصر عباس اور ٹیسٹ کرکٹر بلاول بھٹی، چوہدری ارشد ورک ، فٹ بال پرموٹر غلام محی الدین ملاقات کرنے والوں میں شامل تھے۔
کرکٹرز نے صوبائی وزیر کھیل کو مریدکے اسٹیڈیم کی حالت زار سے آگاہ کیا۔
کرکٹرز کا موقف ہے کہ مریدکے اسٹیڈیم سے چار انٹر نیشنل اور 35 فرسٹ کلاس کرکٹرز سامنے آئے ۔ وزیر کھیل نے اسٹیڈیم جلد مکمل کرنے کی یقین دہانی کرادی۔
رائے تیمور کا کہنا ہے کہ مریدکے اسٹیڈیم کو ترجیحی بنیادوں پر مکمل کیا جائے گا۔ چھوٹے سے شہر سے چار انٹر نیشنل کرکٹرز سامنے آئے اسٹیڈیم ان کا حق ہے۔
رانا نوید الحسن نے وزیر کھیل سے ملاقات اچھی رہی انہوں نے اسٹیڈیم مکمل کرنے کی یقین دہانی کرائی ہے۔
بقول بلاول بھٹی ملاقات اطمینان بخش رہی یقین ہے مریدکے کے بچوں کو کھیل کی سہولت ملے گی۔
قیصرعباس نے کہا کہ اگر اسٹیڈیم بنادیا جائے تو کئی مزید کرکٹرز سامنے آئیں گے ۔
