قرآن کی تلاوت سن کرعمران خان نے کیا کہا:کابینہ والے بھی حیران رہ گئے

اسلام آباد: قرآن کی تلاوت سن کرعمران خان نے کیا کہا:کابینہ والے بھی حیران رہ گئے،اطلاعات کے مطابق وزیراعظم پاکستان عمران خان نے کہا ہے کہ اسلامی فلاحی ریاست کی اصل روح کے مطابق عمل کرنا ہوگا، ہمارا عزم ہے کہ کوئی بھوکا نہ سوئے اور تنگدستی کی زندگی نہ گزارے۔

ذرائع کے مطابق وزیراعظم کی زیرصدارت وفاقی کابینہ کا اجلاس ہوا جس میں ملک کی موجودہ صورت حال پر تفصیلی تبادلۂ خیال کیا گیا۔

اجلاس کے آغاز پر وزیراعظم نے جو ابتدائی کلمات ادا کیے اُن میں ملک سے غربت و افلاس کا خاتمہ اور پریشان حال لوگوں پر توجہ دینے کا عزم شامل تھا۔، ادھرذرائع کا کہنا ہے کہ کابینہ اجلاس سےقبل کی گئی تلاوت کے ترجمے پر وزیراعظم نے اظہار خیال کرتے ہوئے کہا کہ ’میں چاہتا ہوں غربت اور بھوک و افلاس کا خاتمہ ہوسکے‘۔

ادھر ذرائع کے مطابق وزیراعظم کی اس وقت کی کیفیت کے بارے میں کابینہ اراکین کا کہنا ہے کہ وہ تلاوت سننے کے بعد وزیراعظم کی کیفیت پرحیران تھے ، ایسے محسوس ہورہا تھا کہ وزیراعظم قرانی احکامات سن کرکانپ گئے ہیں‌

اُن کا کہنا تھا کہ ’اسلامی فلاحی ریاست کی اصل روح کے مطابق عمل کرنا ہوگا تاکہ کوئی بھی شہری بھوک و افلاس اور غربت کا شکار نہ رہے‘۔

وزیراعظم نے کہا کہ ’میرا عزم ہے کوئی بھوکا نہ سوئے اور تنگدستی کی زندگی نہ گزارے، مستقبل میں ایسا پاکستان چاہتے ہیں جس میں نچلے طبقے کا احساس کیا جائے، احساس پروگرام بھی اسی کی ایک کڑی ہے جس کے تحت لوگوں کا ڈیٹا مکمل کیا جارہا ہے‘۔