واٹس ایپ پر بھارتی فوج کی ویڈیو پاکستان کیوں بھیجیں، بھارت نے اپنے ہی تین شہری گرفتار کر لیے

واٹس ایپ پر پاکستان کال کیوں کی، بھارت سرکار نے اپنے ہی تین شہریوں کو جاسوسی کے الزام میں گرفتار کر لیا

باغی ٹی وی کی رپورٹ کے مطابق بھارتی ریاست ہریانہ کے فوجی علاقے میں سے بھارتی پولیس نے تین نوجوانوں کو گرفتار کیا ہے جن کے بارے میں دعویٰ کیا گیا کہ انہوں نے پاکستان کال کی اور واٹس ایپ کے ذریعے ویڈیو بھیجی

ہریانہ کی پولیس کے مطابق گرفتار نوجوانوں کے موبائل فون سے بھارتی فوج کے علاقے کی ایک ویڈیو بھی ملی ہے جسے پاکستان بھیجا گیا ہے، گرفتار ہونے والے محمد خالد، مہتاب اور راغب کے طور پر شناخت کئے گئے ہیں، دو کی عمریں بائیس برس جبکہ راحب کی عمر 34 برس ہے. پولیس کے مطابق تینوں افراد کا تعلق اتر پردیش سے ہے.

پولیس نے تینوں کو گرفتار کر کے مقدمہ درج کر لیا ہے، اور مزید تحقیقات شروع کر دی ہیں، پولیس نے اس ضمن میں بھارت کے قومی تحقیقاتی ادارے این آئی اے کو بھی آگاہ کر دیا ہے، این آئی اے بھی تینوں سے تحقیقات کرے گی کہ ان کا پاکستان میں کس سے رابطہ ہے اور کس کو بھارتی فوج کی ویڈیو بھیجیں.