بھارتی اداکارہ پریانکا چوپڑا نے عالمی وبا کورونا وائرس کے پیش نظر خود کو قرنطینہ کیا ہوا ہے انہوں نے گذ شتہ رات سماجی رابطے کی ویب سائٹ انسٹاگرام پر ڈبلیو ایچ او کے دو ڈاکٹرز کیساتھ ایک لائیو سیشن رکھا
باغی ٹی وی :بھارتی اداکارہ پریانکا چوپڑا نے عالمی وبا کورونا وائرس کے پیش نظر خود کو قرنطینہ کیا ہوا ہے انہوں نے گذ شتہ راتسماجی رابطے کی ویب سائٹ انسٹاگرام پر ڈبلیو ایچ او کے دو ڈاکٹرز کے ساتھ ایک لائیو سیشن رکھا جس میں ان کا کہنا تھا کہ وبائی بیماری کووڈ 19 سے متعلق اس وقت بہت ساری معلومات سوشل میڈیا اور دیگر پلیٹ فارمز پر گردش کر رہی ہیں مگر میرے ذہن میں ابھی تک کچھ سوالات ہیں جن کا میں جواب چاہتی ہوں
لائیو سیشن میں پریانکا چوپڑا کے شوہر امریکی گلوکار و اداکار نک جونس نے بھی شرکت کی تھی نک جونس نے ڈبلیو ایچ او کے ڈاکٹرز سے سوال کیا کہ وہ شوگر 1 کے مریض ہیں اور ان کی اہلیہ پریانکا کو دمہ کی شکایت ہے ہم دونوں کا ان بیماریوں کے ساتھ قوت مدافعت بھی کمزور ہے ہم جیسے افراد کو کورونا وائرس کا خطرہ بہت زیادہ ہے اس کے لیے ہمیں کیا اضافی احتیاط کرنا چاہیے؟
https://www.youtube.com/watch?v=ZGyezZAml_A&feature=youtu.be
اس پر ڈبلیو ایچ او کی ڈاکٹر ماریہ کین کرکھووے نےجواب دیا کہ جو افراد ذیابطیس دل کے امراض کرونک ریسپائیریٹری ڈیزیز کینسر کے مریض یا جن کی 60 سال سے زائد عمر ہے جن کی قوت مدافعت کمزور ہے انہیں اس وائرس سے ہر صورت بچنے کے لیے احتیاطی تدابیر کرنی چاہئیں جن میں گھر سے باہر نہ نکلنے سمیت ایسے افراد کا سامنا نہ کرنا جو بیمار ہوں شامل ہے انہوں نے کہا کہ بار بار ہاتھ دھوئیں چہرے آنکھ یا ناک کو بار بار نہ چھوئیں
پریانکا نےسوال کیا کہ کیا وائرس ہوا کے ذریعے آپ میں منتقل ہو سکتا ہے؟ جس پر ڈبلیو ایچ او کی ڈاکٹر ماریہ نے کہا وائرس فضا میں نہیں رہ سکتا مگر کوئی آپ کے سامنے وائرس سے متاثرہ مریض چھینکے یا کھانسے تو اس انسان سے نکلنے والے نظر نہ آنے والے پانی کے زرات کے ذریعے یہ آپ میں منتقل ہو سکتا ہے اسی لیے ہر کسی کو تاکید جا رہی ہے کہ چھینکتے ہوئے یا کھانستے ہوئے اپنے منہ کو ڈھانپ لیں اور دوسروں کو اس بیماری سے بچائیں
پریانکا نے پو چھا کیا کوئی مریض اس وائرس سے صحتیاب ہونے کے بعد دوبارہ اس سے متاثر ہو سکتا ہے ؟ جس پر ڈبلیو ایچ او کی ایکسپرٹ کا کہنا تھا کہ تا حال اس وائرس کی صحیح سے صورتحال سامنے نہیں آئی ہے اس پر ریسرچ جاری ہے مگر ہاں اس سے متاثر ہو کر صحت یاب ہوا جا سکتا ہے جیسے کہ ابھی حالیہ صورتحال میں پوری دنیا میں جہاں مریض متاثر ہو رہے ہیں وہیں صحتیاب بھی ہو رہے ہیں
کورونا وائرس ،اس مشکل وقت میں ہمیں کیا کرنا چاہیئے؟ شوبز فنکار
