لاہور:ایشیا کرکٹ کپ 2023کی میزبانی کون کرے گا:نام سامنے آگیا ،اطلاعات کے مطابق پاکستان کو 2023ایشیا کرکٹ کپ کی میزبانی مل گئی ہے۔
دبئی میں آج ایشین کرکٹ کونسل(اے سی سی ) کا اجلاس ہوا جس میں چیئرمین پی سی بی رمیز راجہ اور بھارتی کرکٹ بورڈ کے صدر سارو گنگولی کی بھی ملاقات ہوئی جبکہ گنگولی نے راجہ کو آئی پی ایل کا فائنل دیکھنے کی بھی دعوت دی۔
2022 کے ایشیا کرکٹ کپ کی میزبانی سری لنکا کو دیدی گئی ہے جو کہ ٹی 20فارمیٹ کی بنیاد پر کھیلا جائے ۔ایشین کرکٹ ٹیمیں 2023میں پاکستان میں کھیلنے آئیں گی جبکہ یہ فیصلہ دبئی میں اے سی سی کے اجلاس میں کیا گیا۔
ذرائع نے بتایا ہےکہ چیئرمین پی سی بی رمیز راجہ کی آج وطن واپسی شیڈول ہے، رمیز راجہ نے اماراتی ، بنگلا دیشی اور سری لنکن کرکٹ حکام سے بھی سائیڈ لائنز پر ملاقاتیں کی ہیں۔
