کندھ کوٹ: جس کی بیوی ناراض ہواس کی بھی کوئی زندگی ہے : شوہر کھمبے پر چڑھ گیا،اطلاعات کے مطابق صوبہ سندھ کے ضلع کشمور میں ناراض بیوی کو منانے کے لیے شوہر کھمبے پر چڑھ گیا اور کہا زوجہ کے روٹھنے پر مجھے جینے کا کوئی حق نہیں ہے۔
تفصیلات کے مطابق یہ انوکھا واقعہ ضلع کشمور کی تحصیل کندھ کوٹ میں پیش آیا، شوہر سے خاتون طلاق لینے کے لیے عدالت پہنچی تو ناراض بیوی کو منانے کے لیے شوہر بجلی کے کھمبے پر چڑھ گیا۔اورپھردنیا کودکھاتے ہوئے اورکہتے ہوئے کہ جس بیوی ناراض ہواس کی بھی کوئی زندگی ہے اورپھر11ہزارہائی ٹرانسمیشن والٹیج تاروں سے خود کشی کی کوشش کی۔
واقعے سے متعلق بروقت اطلاع پر واپڈا نے بجلی فراہمی معطل کردی۔ بعد ازاں پولیس نے کارروائی کرتے ہوئے کھمبے پر چڑھنے والے ندیم جمالی نامی شخص کو گرفتار کرلیا۔شوہر کا کہنا تھا کہ بیوی کی ناراضگی پر مجھے جینے کا کوئی حق نہیں ہے۔
خیال رہے کہ اس طرح کے منفرد واقعات ملک میں پیش آتے رہتے ہیں۔ اس سے قبل ایک شخص اس بنیاد پر کھمبے پر چڑھ گیا تھا کہ گھر والے اس کی شادی نہیں کروا رہے تھے۔
