ممبئی : معروف بھارتی اداکار،مصنف نے اچانک خودکشی کیوں کی ؟،اطلاعات کے مطابق ایک معروف بھارتی اداکار، مصنف اورڈراموں کے معروف کردار نے خودکشی کرکے اپنی زندگی کا خاتمہ کرلیا ہے
بھارتی ذرائع ابلاغ کے مطابق بھارتی ڈرامے کے منصف ابھیشک ماکوانا کی لاش ممبئی کے علاقے کاندیوالی میں واقع ان کے گھر سے ملی ہے، پولیس نے حادثاتی موت کا مقدمہ درج کرلیا ہے۔پولیس کو ان کے گھر سے سوسائڈ نوٹ بھی ملا ہے، جس میں انہوں نے اپنے مالی حالات کا تذکرہ کیا اور اس انتہائی اقدام کی وجوہات درج کی ہیں۔
سوسائڈ نوٹ کے مطابق ابھیشک ماکوانا نے اپنے نوٹ میں اپنی ذاتی زندگی کی مشکلات کے ساتھ ساتھ مالی پریشانیوں کے بارے میں بھی بات کی۔بھارتی مصنف نے اپنے آخری خط میں لکھا کہ وہ گزشتہ کئی ماہ سے ان حالات میں مبتلا ہیں۔
اس خط میں ابھیشک ماکوانا نے اپنے گھر والوں سے معافی بھی مانگی اور کہا کہ میں نے حالات سے لڑنے کی بھرپور کوشش کی لیکن وہ اب مزید ایسا نہیں کرسکتے کیونکہ پریشانیاں صرف بڑھ رہی ہیں۔پولیس نے واقعے کے بعد تحقیقات کا آغاز کر دیا ۔
