عامر میر اور عمران شفقت کو کیوں گرفتار کیا گیا؟ ایف آئی اے نے وجہ بتا دی

لاہور:عامر میر اور عمران شفقت کو کیوں گرفتار کیا گیا؟ ایف آئی اے نے وجہ بتا دی ،اطلاعات کے مطابق فیڈرل انویسٹی گیشن ایجنسی (ایف آئی اے ) نے سنیئر صحافی عامر میر اور عمران شفقت کی گرفتاری کے حوالے سے پریس ریلیز جاری کی ہے۔

ایف آئی اے کی طرف سے جاری پریس ریلیز کے مطابق دونوں صحافیوں کو پہلے سے درج مقدمات کی بنا پر گرفتار کیا گیا تھا۔دونوں کے خلاف اعلی ججز،پاک فوج اور خواتین سے متعلق تضحیک آمیز رویے پر مقدمات درج ہوئے تھے۔

اس پریس ریلیز میں کہا گیا ہے کہ دونوں نے اپنے چینلز سے ایسے پیغامات اور پروگرام نشر کیےجس سے قومی سلامتی کے اداروں اعلی عدلیہ کے بنیاد کو کمزور کرکے عوام کے ان اداروں پر اعتماد کو کمزور کرنے کی کوشش کی گئی۔

اس اعلامیے میں یہ بھی کہا گیا ہےکہ دونوں ملزمان کو ضمانت پر چھوڑ دیا گیا ہے تاہم ابھی تفتیش کا عمل جاری ہے۔ملزمان کے خلاف مزید ثبوت اکھٹے کرکے چالان عدالت میں جمع کروایا جائے گا۔