وہ صرف کورونا وائرس نہیں تھا جو میرے والد کی موت کی وجہ بنا سمبھاونہ سیٹھ
بالی ووڈ اداکارہ سمبھاونہ سیٹھ نے اپنے والد کی موت کا ذمہ دار صرف کورونا وائرس کو نہیں بلکہ بھارتی اسپتال انتظامیہ کو بھی قرار دے دیا۔
باغی ٹی وی : بھارتی اداکارہ سمبھاونہ سیٹھ نے اپنے تصدیق شدہ ٹوئٹر اکاؤنٹ پر اپنے والد کے ہمراہ ماضی کی یادگار تصویر شیئر کی ہے ٹوئٹر پر شیئر کی گئی تصویر سمبھاونہ سیٹھ کی شادی کی تقریب کی ہے۔
My father could have been saved.
It was not just covid which killed him. pic.twitter.com/4NTmZoTtXZ— Sambhavna Seth (@sambhavnaseth) May 11, 2021
بھارتی اداکارہ نے تصویر کے کیپشن میں لکھا کہ ’میرے والد کو بچایا جاسکتا تھا وہ صرف کورونا وائرس نہیں تھا جو اُن کی موت کی وجہ بنا۔
سمبھاونہ کے ٹوئٹ پر بھارتیوں کی بڑی تعداد اس بات پر اتفاق کررہی ہے کہ بھارت میں کورونا وائرس کے زیادہ تر مریضوں کی موت طبی سہولیات کی کمی کی بدولت واقع ہورہی ہے۔
واضح رہے کہ سبھاونہ سیٹھ نے اپنے والد کی موت سے قبل سوشل میڈیا پر ایک پیغام جاری کیا تھا جس میں اُنہوں نے اپیل کرتے ہوئے کہا تھا کہ ’کوئی ممبئی کے اسپتال میں اُن کے والد کے لیے بیڈ کی سہولت فراہم کردے۔
بھارتی اداکارہ نے کہا تھا کہ اُن کے والد کا کورونا وائرس ٹیسٹ مثبت آگیا ہے اور اُنہیں بیڈ کی شدید ضرورت ہے میرے والد اور میرے بھائی اسپتال کے باہر انتظار کررہے ہیں لہٰذا براہِ کرم! جلد از جلد اُنہیں بیڈ فراہم کیا جائے۔
