علی پور: اوباش ہمسائے نے گن پوائنٹ پر خاتون کو بے آبرو کر دیا، مقدمہ درج

اوچ شریف(باغی ٹی وی ،نامہ نگارحبیب خان )علی پور کے علاقے میں ایک محنت کش کی بیوی کو اوباش ہمسائے نے گن پوائنٹ پر بے آبرو کر دیا۔ واقعہ کے بعد پولیس تھانہ سیت پور میں مقدمہ درج کر کے تفتیش کا آغاز کر دیا گیا ہے۔

تفصیلات کے مطابق منظور حسین ارکاٹی نے تھانہ سیت پور میں رپورٹ درج کرواتے ہوئے بتایا کہ ان کی ہمشیرہ، مسماۃ ش زوجہ جندوڈہ جو پانچ بچوں کی ماں ہیں، اپنے گھر میں اطمینان سے زندگی گزار رہی تھیں۔ گزشتہ رات برادری کے فیصلے کے دوران اچانک شور سنائی دیا۔ وہ گھر پہنچے تو ملزم فیاض کلاچی ان کی ہمشیرہ کو گن پوائنٹ پر زبردستی بے آبرو کر رہا تھا۔ اہل خانہ کے پہنچنے پر ملزم دیوار پھلانگ کر فرار ہو گیا۔

پولیس تھانہ سیت پور نے خاتون کے بھائی کی مدعیت میں مقدمہ درج کر کے ملزم کی گرفتاری کے لیے کارروائی شروع کر دی ہے۔