اسلام آباد: محکمہ موسمیات میں اصلاحات کیلئے ورلڈ بینک نے پٔہلی قسط جاری کر دی-
باغی ٹی وی : ورلڈ بینک نے محکمہ موسمیات کے ری اسٹرکچرنگ منصوبے کیلئے پہلی قسط جاری کردی، ورلڈ بینک پاکستان کے محکمہ موسمیات کی ری اسٹرکچرنگ کیلئے 5 کروڑ ڈالر فراہم کرے گا، ری اسٹرکچرنگ منصوبے کے تحت محکمہ موسمیات میں 300 آٹومیٹک ویدراسٹیشن لگائے جائیں گے جبکہ محکمہ موسمیات کو 3 عدد موبائل ویدر ریڈار فراہم کئے جائیں گے۔
منصوبے کے تحت محکمہ موسمیات کو ڈیجیٹلائزڈ کیا جائے گا اور محکمہ موسمیات کی ورکشاپ کو خصوصی طور پر اپ گریڈ کیا جائے گا اور پاکستانی محکمہ موسمیات کو اس قابل بنایا جائے گا کہ یہ افغانستان اور خلیجی ممالک کے محکموں کی تربیت کرسکے-
ڈالر کی قیمت میں کمی،سونے کی قیمت میں معمولی اضافہ
دوسری جانب محکمہ موسمیات نےمغربی ہواؤں کا سلسلے کے پیش نظر رواں ہفتے تیز بارشوں کی پیشگوئی کی، محکمہ موسمیات کے مطابق 27 مارچ سے مغربی ہواؤں کا سلسلہ ملک میں داخل ہو گا، جبکہ ملک کے بیشتر بالائی اوروسطی علاقوں کواپنی لپیٹ میں لے گا۔ محکمہ موسمیات کی پیشگوئی کے مطابق 27 سے31 مارچ تک اسلام آباد، راولپنڈی ،مری گلیات میں بارش کا امکان ہے، جبکہ 27 سے 31 مارچ تک پنجاب میں بھی بارش ہو سکتی ہے۔
سپریم کورٹ نے ایف آئی اے کو صحافیوں کی گرفتاری سے روک دیا
محکمہ موسمیات نے پیشگوئی کی کہ خیبرپختونخوا کے بیشتراضلاع میں بارش،پہاڑوں پر برفباری متوقع ہے جبکہ بلوچستان میں 27 مارچ سے 3 اپریل تک بارش، پہاڑوں پربرفباری کا امکان ہے سندھ میں 28 اور 29 مارچ سے آندھی اور تیز ہوائیں چلنے کا امکان ہے 27 مارچ سے یکم اپریل تک گلگت بلتستان اورکشمیرمیں بارش کا امکان ہے۔
