کورونا وائرس کے باعث دبئی ایکسپو 2020 ملتوی،عالمی سرمایاکاروں کی امیدیں دم توڑ گئیں

دبئی :کورونا وائرس کے باعث دبئی ایکسپو 2020 ملتوی،عالمی سرمایاکاروں کی امیدیں دم توڑ گئیں ،اطلاعات کے مطابق کورونا وائرس کے پھیلاؤکےپیش نظردبئی میں ہونےوالی بین الاقوامی ایکسپونمائش ملتوی کردی گئی۔

غیرملکی خبررساں ادارے کےمطابق عالمی وباکورونا وائرس کی وجہ سےدبئی میں ہونےوالی بین الاقوامی ایکسپونمائش آئندہ سال کے لیے ملتوی کردی گئی ہے۔ایکسپو کے منتظمین اورمتحدہ عرب امارات کی حکومت کی جانب سے“ایکسپو2020 دبئی”کی تاریخ تبدیل کرکےاکتوبر 2021 سے 31 مارچ 2022 کےدرمیان منعقدکرنےکی منظوری دےدی گئی ہے۔

رپورٹ کےمطابق ایکسپو دبئی کے انعقاد کے لیے اس میں حصہ لینے والے اداروں اورکمپنیوں کی رائےکےمطابق یکم اکتوبر 2021ء سے 31مارچ 2022ء کےدرمیان یہ نمائش منعقدکی جائےگی۔ نمائش کےانعقاد میں تاخیردنیا بھرمیں پھیلےکورونا وائرس کی وجہ سے کی گئی ہے۔

دوسری جانب ایکسپو 2020 دبئی کی سپریم کمیٹی کے چیئرمین کا کہنا ہے کہ ہم ‘ایکسپو 2020 ‘ کوموجودہ بحرانی حالات کی وجہ سے منعقد نہیں کرسکتے، اس وقت موذی وبا کورونا کہ وجہ سے ایکسپو دبئی کے لیے حالات سازگار نہیں ہیں تاہم حالات بہتر ہونے کے بعد آئندہ سال یہ نمائش پوری تیاری کے ساتھ منعقد کی جائے گی۔