وزیراعلیٰ سندھ کے ساتھ کراچی کوآرڈینیشن کمیٹی کا اجلاس، اجلاس میں محمود آباد نالے کی ری ماڈلنگ کے ڈیزائین کی منظوری کا عمل شروع کرنے کا فیصلہ

وزیراعلیٰ سندھ سید مراد علی شاہ کے ساتھ کراچی کوآرڈینیشن کمیٹی کا اجلاس بارش کے پانی کی نکاسی کے بارے میں بریفنگ دی-

باغی ٹی وی :اجلاس میں وزیراعلیٰ سندھ کے ساتھ صوبائی وزیر سید ناصر حسین شاہ، چیف سیکریٹری ممتاز شاہ، چیئرمین پی اینڈ ڈی، سیکریٹری بلدیات، سیکریٹری ٹرانسپورٹ، ایم ڈی واٹر بورڈ، ایم ڈی ایس ایس ڈبلو ایم اے پی ڈی کے فور منصوبہ اور این ای ڈی پروفیسر ڈاکٹر عدنان شریک تھے

وفاقی حکومت کی جانب سے وفاقی وزیر اسد عمر، کور کمانڈر کراچی لیفٹننٹ جنرل ہمایوں عزیز، ڈی جی آئی ایس آئی جنرل فیض حمید، جی او سی کراچی میجر جنرل عقیل اور دیگر متعلقہ حکام بھی شریک تھے-

اجلاس میں وزیراعلیٰ سندھ نے کہا کہ این ای ڈی سے تمام اہم نالوں کی سروے کروا رہے ہیں-

وزیراعلیٰ سندھ نے میڈیا سے بات کرتے ہوئے کہا کہ میں نے کل محمودآباد نالے کی ری ماڈلنگ پر اجلاس بلایا تھامحمودآباد نالے کی اسٹڈی ہو چکی ہےنالے کی ری ماڈلنگ سے 270 ملی میٹر بارش کا پانی 12 گھنٹوں میں نکل جائے گا-

وزیراعلیٰ سندھ سید مراد علی شاہ نے کہا کہ اس وقت نالے کی کورنگی روڈ پر 6 میٹر گہرائی ہےاور ایک جگہ پر صرف ایک فٹ گہرائی ہےری ڈیزائنگ سے نالے کی متانت گہرائی کے ساتھ بنائے جائے گی اگر اس ری ماڈلنگ پر جاتے ہیں تو 319 اسٹرکچر بلڈوز کرنے ہونگے ہم 319 اسٹرکچر کی ڈیٹا بناتے ہیں،

وفاقی وزیر اسد عمر نے کہا کہ تجاوزات سندھ حکومت نے ہٹانے ہیں وفاقی حکومت سندھ حکومت کو مکمل سپورٹ کرے گی این ڈی ایم اے کو 700 ارب روپے کیلئے مجاز بنایا گیا ہےجو بھی خرچہ ہوگا وفاقی حکومت کرے گی-

اجلاس میں محمود آباد نالے کی ری ماڈلنگ کے ڈیزائین کی منظوری کا عمل شروع کرنے کا فیصلہ

اجلاس میں این ای ڈی کو گجر نالے اور اورنگی نالے کی اسٹڈی اور ڈیزائین 15 جنوری تک مکمل کرنے کی ہدایت کردی ہے نالوں سے تجاوزات ہٹانے سے متاثرین کو ریسیٹل کرنے میں حکومت مدد کرے گی کے فور منصوبہ کو آگے بڑھانے کیلئے وفاقی حکومت واپڈا سے بھی مدد لے گی-

وزیراعلیٰ سندھ نے کہا کہ شہر میں صفائی سے متعلق خاص مہم شروع کی جارہی ہےضلع مرکز اور ضلع کورنگی میں دیگر اضلاع کی طرح صفائی کا کام کانٹریکٹ آؤٹ کیا جارہا ہے ضلع جنوبی کیلیے 30 ایم جی ڈی پانی لے رہے ہیں، پورٹ قاسم سے راستے ملنے کا مسئلہ ہے،

وزیراعلیٰ سندھ نے کہا کہ آئی سی آئی برج اور ملیر ایکسپریس وے منصوبے پبلک پرائیویٹ پارٹنرشپ کے تحت کر رہے ہیں مجوزہ منصوبے نئے سال کے شروع میں لاؤنچ ہوجائیں گے-