یچوری اور ڈی راجہ بھی سرینگر ایئر پورٹ پردھر لیے گئے

مارکسی کمیونسٹ پارٹی (سی پی۔ایم ) کے جنرل سیکریٹری سیتا رام یچوری اور ہندستانی کمیونسٹ پارٹی (سی پی آئی) کے جنرل سیکرٹری ڈی راجہ کو سرینگر ایئر پورٹ پرحراست میں لے لیا گیا۔ بائیںمحاذ کے یہ دونوں رہنما وادی کے بیمار سی پی ایم رہنما محمد یوسف تاریگامی اور دیگر رہنماوں سے ملاقات کے لئے پہنچے تھے۔
کانگریسی رہنما غلام نبی آزاد کے ساتھ سری نگر ایئرپورٹ کیا سلوک ہوا؟ آپ بھی جانئے
سی پی ایم نے ٹویٹر کے ذریعہ یہ اطلاع دی ۔ ٹوئٹ میں کہا گیا، ”سیتارام یچوری کو سرینگر ہوائی اڈے پر حراست میں لیا گیا ہے اور انہیں کہیں آنے جانے کی اجازت نہیں ہے۔“ پارٹی نے ان کی غیر قانونی حراست کی مخالفت بھی کی۔

قبل ازیں کانگریس کے سینئر لیڈر غلام نبی آزاد کو سری نگر ایئرپورٹ پر روک لیا گیا تھا جس کے بعد انہیں واپس دہلی لوٹنا پڑا تھا۔