پاکستان شوبز انڈسٹری کے کامیڈین معروف اداکار یاسر حسین کا کہنا ہے کہ یہ بچے قوم کے معمار ہیں، مگر اس قوم میں ایسے بچے ہر دور اور ہر حکومت میں دکھتے رہے ہیں، یہ بچے جوان ہونے سے پہلے بوڑھے ہو جاتے ہیں۔
باغی ٹی وی :یاسر حسین پاکستان کے صوبہ بلوچستان کی سیر کے لئے گئے ہیں جہاں پر انہوں نے اپنی گاڑی کے برابر سے گزرنے والی گدھا گاڑی پر سوار بچوں کی ویڈیو شیئر کرتے ہوئے اُن کے مستقبل کے حوالے سے فکر مندی کا اظہار کیا-
https://www.instagram.com/p/CEG51p0j93K/
سماجی رابطے کی ویب سائٹ انسٹاگرام پر یاسر حسین نے بچوں کی ویڈیو شئیر کرتے ہوئے لکھا کہ یہ بچے قوم کے معمار ہیں مگر اس قوم میں ایسے بچے ہر دور اور ہر حکومت میں دِکھتے رہے ہیں یہ بچے جوان ہونے سے پہلے بوڑھے ہو جاتے ہیں۔
اداکار نے لکھا کہ سرک پر گدھا گاڑی چلا رہے ان چھوٹے بچوں کو کوئی دیکھتا تک بھی نہیں توان کے بارے میں کوئی سوچے گا کیسے۔
انہوں نے اپنی پوسٹ کے آخر میں سوال اُٹھاتے ہوئے کہا کہ کیا کسی وزیر کے بچے گدھا گاڑی چلاتے دیکھے ہیں کسی نے؟
یاسر حسین نے اپنی پوسٹ میں فکر انگیز ہیش ٹیگ ’سوچو، دیکھو اور بولو‘ کا بھی استعمال کیا-
اداکار یاسر کے اس ٹوئٹ پر جواب دیتے ہوئے اداکارہ امر خان نے قابل ستائش قرار دیتے ہوئے لکھا کہ کاش پوزیٹیو باتیں بھی وائرل ہوں اس ملک میں-
یاسر نے امر خان کو جواب دیتے ہوئے لکھا کہ یہاں وائرل صرف ڈانس ہوتا ہے یا متنازع باتیں۔
یاسر حسین انسٹاگرام سکرین شاٹس
جبکہ یاسر حسین کی اس پوسٹ کو مداحوں کی جانب سے بھی کافی سراہا جا رہا ہے اور مداح بھی اپنی رائے کااظہا رکرہے ہیں-
