یہ تاثر ختم ہونا چاہیے کہ کوئی فیورٹ ہے،یوسف رضا گیلانی

لودھراں: پاکستان پیپلز پارٹی کے سینیئر رہنما اور سابق وزیراعظم یوسف رضا گیلانی نے کہا ہے کہ یہ تاثر ختم ہونا چاہیے کہ کوئی فیورٹ ہے، الیکشن فری اینڈ فئیر ہونا چاہیے۔

باغی ٹی وی: لودھراں میں میڈیا سے گفتگو کرتے ہوئے یوسف رضا گیلانی نے کہا کہ بلاول بھٹو معروضی حالات کے مطابق اپنے بیان دے رہے ہیں، آصف زرداری اور بلاول بھٹو دونوں ایک پیج پر ہیں، کوئٹہ جلسے کے بعد آصف زرداری اور بلاول بھٹو کے درمیان اختلاف کا تاثر زائل ہوگیا ہے۔

میڈیا سے بات چیت کے دوران ایک سوال کے جواب میں انہوں نے کہا کہ صدر، الیکشن کمیشن اور چیف جسٹس کی یقین دہانی کے بعد الیکشن ملتوی ہونے کا کوئی امکان نہیں، مجھے نہیں لگتا کہ پیپلز پارٹی کسی کے ساتھ سیٹ ایڈجسٹمنٹ کرے گی، پارٹی کا مؤقف ہے کہ اپنے منشور کے ساتھ الیکشن لڑیں گے، پیپلز پارٹی کو بیک فٹ پر لے جانے سے فرق نہیں پڑتا، وہ فرنٹ فٹ پر ہی کھیلے گی-

امریکا نے ڈاکٹر فوزیہ صدیقی کو جیل میں قید بہن عافیہ صدیقی سے ملاقات …

یوسف رضا گیلانی نے کہا کہ پیپلز پارٹی سندھ میں پہلے سے زیادہ موثر اور مضبوط ہو کر ابھرے گی، جنوبی پنجاب پسماندہ اور ٹیل کا علاقہ سمجھا جاتا ہے اس میں احساس محرومی ہے، پیپلز پارٹی نے پہلے بھی صوبے اور اس خطے کی محرومی کی بات کی ہے۔

بلوچستان، موسیٰ خیل کے جنگلات میں آگ لگ گئی