سعودی اتحاد کے فوجی ٹھکانوں پر یمنی فوج کا حملہ ، جانی نقصان کا دعویٰ

صنعا : سعودی عرب اور یمن کی مسلح افواج کے درمیان جنگ طویل ہونےلگی . دوسری طرف یمن کی مسلح افواج کے ترجمان نے کہا ہے کہ سعودی اتحاد کی جارحیت کے جواب میں یمنی فوج اور عوامی رضاکار فورس نے جنوبی یمن کے شہر عدن میں سعودی اتحاد کے فوجی ٹھکانوں پر حملہ کیا ہے۔

المسیرہ ٹی وی کی رپورٹ کے مطابق یمن کی مسلح افواج کے ترجمان یحیی سریع نے جارح سعودی اتحاد کے آلہ کار عناصر کے خلاف یمنی فوج اور عوامی رضاکار فورس کے مختلف یونٹوں کی مشترکہ کارروائی کی طرف اشارہ کرتے ہوئے کہا ہے کہ جنوبی یمن کے شہر عدن میں الجلا میں سعودی اتحاد کے فوجی ٹھکانے کو نشانہ بنایا گیا ہے۔

سعودی افواج کے خلاف جوابی کارروائی کے بارے میں‌یحیی سریع کے بقول یمنی فوج اور عوامی رضاکار فورس کے مختلف یونٹوں کی مشترکہ کارروائی میں سعودی اتحاد کے کئی فوجی ہلاک و زخمی ہو گئے جن میں متعدد آلہ کار فوجی کمانڈر بھی شامل ہیں